लूका 22:22 - बिलासपुरी नौआं नियम

²² माहणुये रे पुत्रा जो त परमेशरा रिया योजना रे मुतावक मरना इ हाया, पर लाणत इ तिस माहणुये पर तिस जे सै पकड़वाणा!”

लूका 22:22 ပူးပေါင်းရင်းမြစ်များ

मत्ती 26:24

माहणुये रे पुत्रा त मरना इ हाया, तियां जे भई पवित्र शास्त्रा च तिसरे बारे च लिखिरा, पर तिसजो भयानक सजा भुगतणे पौणी सै जे माहणुये रे पुत्रा जो पकड़वां : तिस माहणुये रे खातर भला था भई तिसरा जन्म इ नीं हुईरा हुन्दा।”

मत्ती 27:5

इस पर यहूदे चान्दिया रे तिन्हां सारे सिक्कयां जो मन्दरा रे अंगणा च सट्टीत्या कने चलिग्या, फेरी बाहर जाईने अप्पूँजो फाँसी लाईली।

मरकुस 14:21

काँह्भई माहणुये रा पुत्र यनि हऊँ त मरने इ औल़ा, तियां जे पवित्र शास्त्रा च भविष्यवक्तयां मेरे बारे च दस्सीरा, पर तिस माहणुये जो बौहत भयानक सजा मिलणी तिस जे माहणुये रे पुत्रा जो यनि मिन्जो पकड़वाणा! जे तिस माहणुये रा जन्म इ नीं हुईरा हुंदा, तां तिस खातर भला हुंदा।”

लूका 22:23

फेरी सै चेले अप्पूँ चियें इक दुज्जे ते पुछणे लगे भई अहां चते कुण आ सै जे येढ़ा करी सक्कां?

लूका 24:46

कने तिने तिन्हांने बोल्या, “पवित्रशास्त्रा च ये लिखिरा; भई मसीहे दुख सैहणा कने तिज्जे दिन मूईरयां चते जिऊंदे हूणा,

यूहन्ना 17:12

तदुआं तक जे हऊँ तिन्हांने सौगी रैया, तेरे तिस नौआं रिया सामर्था ते सै जे तैं मिन्जो दित्तिरी, मैं तिन्हांरी हिफाजत किति, कने तिन्हेंजे अपणे खातर भटकणा हि चुणया तिन्हांजो छड्डीने तिन्हां च कोई बी नाश नीं हुआ, ताकि पवित्रशास्त्रा च जो किछ लिखिरा सै सच्च ओ।

प्रेरितां 10:42

कने तिने अहांजो हुक्म दित्या भई सारयां लोकां च प्रचार करा कने गवाही देआ भई ये सैई आ तिस्सो जे परमेशरे जिऊंदेयां रा कने मूईरयां रा न्यायी बणाईरा।

प्रेरितां 17:31

काँह्भई तिने इक दिन रखीरा, तिसच जे तिस माहणुये रे जरिये संसारा रा न्याय करना, तिस्सो जे तिने रखीरा, कने तिस्सो मूईरेयां चते ज्यूंदा करीने इसा गल्लां रा सबूत सारयां लोकां जो देईतरा।”

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।