लूका 22:2 - बिलासपुरी नौआं नियम

² तिस बेले मुखियायाजक कने शास्त्री यीशुये जो मारने री शाजिश रचणे च व्यस्त थे, पर सै लोकां ते डराँ थे।

लूका 22:2 ပူးပေါင်းရင်းမြစ်များ

मत्ती 12:14

फेरी फरीसी तित्थी ते बाहर चलीगे कने तिस्सो मारने रे खातर इक दुज्जे ने मिलीने मारने री तरकीब सोचणे लगे।

मत्ती 21:38

पर तिन्हे ठेकेदारें ताहली जे मालका रे बेटे जो देख्या तां सै अप्पूँ चियें गलाणे लगे, ‘येत इसरा बारस आ, औआ इस्सो मारी दें कने इसरा सब किछ अहांरा हुई जाणा।’

मत्ती 26:2

“तुहें लोक जाणाँ ये भई दुईं दिनां बाद फसह रा त्योहार आ, कने माहणुये रा पुत्र क्रूसा पर चढ़ाये जाणे खातर पकड़वाया जाणा।”

मरकुस 14:1

दुईं दिना ते बाद लोक फसह कने अखमीरी रोटिया रा त्योहार मनाणे जो त्यार थे। तिन्हें दिनें मुखियायाजक कने शास्त्री इसा गल्ला रिया टोल़ा च थे भई यीशुये जो कियां धोखे ने पकड़ीने मारया जाओ;

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

यूहन्ना 11:57

मुखियायाजकें कने फरीसियें यीशुये जो गिरफ्तार करने रे मकसदा ने ये हुक्म दित्या था भई जे किसी माहणुये जो पता चली जो भई यीशु किति आ? तां सै इसरी सूचना अहांजो देओ, ताकि अहें तिस्सो पकड़ी सक्को।

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,