लूका 21:23 - बिलासपुरी नौआं नियम

²³ तिन्हां जनानां खातर ये कितणी बुरी गल्ल हूणी सै जे तिन्हां दिनां च भारहत्थी कने दुध प्यान्दी हुणियां, काँह्भई देश वासियां पर बौहत बड्डी विपत्ति औणी कने परमेशरा इन्हां लोकां जो सजा देणी।

लूका 21:23 ပူးပေါင်းရင်းမြစ်များ

मत्ती 21:16

कने तिसते पुच्छया, “तू सुणीराँ ये क्या बोल्ली राँये?” यीशुये तिन्हाने गलाया, “हाँ; सुणीराँ, क्या तुहें लोकें ये कदीं नीं पढ़या : ‘तैं बालकां कने दुध पीन्दे बच्चयां रे मुँआं ते स्तुति कराई?’ ”

मत्ती 21:41

तिन्हें तिसने गलाया, “काँह्भई सै निर्दयी थे इस खातर तिस सै बड़िया बेरैहमिया ने मारने कने अंगूरां रे बगीचे रा ठेका दुज्जे ठेकेदारा ले देई देणा, सै जे फसला रे औणे पर तिस्सो तिसरा हिस्सा देंगे।”

मत्ती 21:44

सै जे कोई इस खास पत्थरा पर पौंगा, सै टुकड़े-टुकड़े हुईने बिखरी जाणा कने जे ये पत्थर किसी पर पौंगा, तां तिस चकनाचूर हुई जाणा।”

मत्ती 24:19

“तिन्हां जनानां खातर सै जे भारहत्थियां हूणी कने तिन्हारे जे दुध पीन्दे बच्चे हुणे, सै दिन बौहत पीड़ा देणे औल़े हुणे।

मरकुस 13:17

तिन्हां दिनां च सै जे भारहत्थी कने दुध प्याणे औल़ी हुंगी, तिन्हांरे खातर कितना दर्दनाक हूणा।

लूका 19:27

कने सै जे नीं चाहन्दे भई हऊँ तिन्हां पर राज करूँ, तिन्हां बैरियां जो, मेरले ल्याईने मेरे सामणे खत्म करी दवा।”

लूका 19:43

काँह्भई औणे औल़े वगता च तुहां सौगी येढ़ा हूणा, तिस वगत तुहांरयां दुश्मणां तुहांजो मोर्चा बणाईने घेरी लेणा, कने तुहां पर चऊँ पासयां ते हमला करना।

लूका 23:29

काँह्भई सै पीड़ा रे दिन आई रायें ताहली जे लोकां बोलणा, कितणा भला हूणा तिन्हां जनानां रे खातर सै जे बांझ इयां, कने सै गर्भ तिन्हें जे बच्चे नीं जणे, कने तिन्हें जे दुध नीं प्याया।

1 कुरिन्थियों 7:26

हऊँ समझां भई अजके कलेशा रिया वजह ने माहणुये रे खातर ये अच्छा भई सै तेढ़ा जे हया तेढ़ा इ रौ।

1 थिस्सलुनीकियां 2:16

कने सै अन्यजातियां जो खुशखबरिया रा उपदेश देणे च मुश्कल खढ़ी कराँ ये भई किति तिन्हां लोकां रा छुटकारा नीं हुईजो। इन्हां गल्लां ते सै हर वगत अपणे पापां रा घड़ा भरदे रैयें; पर हुण तिन्हां पर परमेशरा रा कोप पौणे औल़ा।

इब्रानियों 13:16

भलाई करना कने इक्की दूये री मदद करना नीं भूल्लो, काँह्भई परमेशर येढ़े बलिदान्नां ते खुश हुआं।

याकूब 5:1

अमीर लोको सुणा, औणे औल़े वगता च तुहां पर सै जे भयंकर परेशानियां औणे औल़ियां, तिन्हां रिया वजह ने रोआ कने विलाप करा।

1 पतरस 4:17

काँह्भई सै बगत आई चुक्कीरा भई पैहले परमेशरा रे लोकां रा न्याय कित्या जाओ; कने जे न्याय री शुरुआत अहां तेई हुआं इ, तां तिन्हां लोकां रा अन्त क्या हूणा सै जे परमेशरा रिया खुशखबरिया पर विश्वास नीं करदे?