लूका 20:14 - बिलासपुरी नौआं नियम

¹⁴ पर जिस मौके करसाणें तिसरे मुण्डुये जो देख्या, तां सै अप्पूँ चियें गलाणे लगे, देक्खा, इस बगीचे रा वारस आई कराँ। जे अहें इस्सो मारी देईये तां इसरी सारी जायदात अहांरी हुई जाणी!

लूका 20:14 ပူးပေါင်းရင်းမြစ်များ

मत्ती 16:7

सै अप्पूँ चियें बचार करदे हुये गलाणे लगे, “हुई सक्कां तिने ये इस खातर बोल्या काँह्भई अहें रोटी सौगी नीं ल्याये।”

मत्ती 21:25

दस्सा यूहन्ने जो बपतिस्मा किति ते मिलया? परमेशरा ते या माहणुये ते?” सै अप्पूँ चियें गल्ल बात करदे हुये गलाणे लगे, “जे अहें बोलां ये ‘परमेशरा ते’ तां इस अहांते पुछणा ‘फेरी तुहें तिस पर विश्वास काँह नीं करदे?’

मत्ती 21:34

ताहली जे अँगूर तोड़ने रा बगत आया तां बगीचे रे मालके ठेकेदाराँ ले अपणा दास भेज्या ताकि तिन्हाते सै अपणे हिस्से रे अँगूर ली आओ।

लूका 19:47

इसते बाद सै हर रोज मन्दरा च उपदेश करने लगया। पर मुखियायाजक, शास्त्री कने लोकां रे खास अगुवे, यीशुये जो मारने री तरकीब सोचणे लगे।

लूका 20:13

बगीचे रे मालके गलाया, हुण हऊँ क्या करूँ? हऊँ अपणे पुत्रा जो तिन्हाले भेजगा, हुई सक्कां भई सै तिसरा आदर करगे।

लूका 20:15

कने तिन्हे सै बगीचे ते रगड़ीने बाहर कड्डया कने मारीत्या।” फेरी यीशुये तिन्हाते पुच्छया, “तुहांजो क्या लगां? तिस बगीचे रा मालक तिन्हां करसाणां ने केढ़ा बरताव करगा?

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

लूका 20:5

फेरी तिन्हें अप्पूँ बाटियें बिचार कित्या, “जे अहें इसने येढ़ा गलांगे भई परमेशरे दित्या था, तां तिस बोलणा भई फेरी तुहें तिस पर काँह नीं विश्वास कित्या।

लूका 22:2

तिस बेले मुखियायाजक कने शास्त्री यीशुये जो मारने री शाजिश रचणे च व्यस्त थे, पर सै लोकां ते डराँ थे।

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

प्रेरितां 3:15

कने तुहें अनन्त जीवन देणे औल़े जो मारीत्या, तिस्सो जे परमेशरे मूईरेयां चते ज्यूंदा कित्या, कने अहें इसा गल्ला रे गवाह थे।

रोमियो 8:17

काँह्भई अहें तिसरे बच्चे, इस खातर सै आशीष जे परमेशर अपणे लोकां खातर रखां तिसजो अहां पाणा, कने मसीह रे खातर बी सै जे परमेशरे रखीरा, तिस्सो बी अहां मसीह ने सौगी पाणा; काँह्भई जे अहें मसीह साई दुख सैं तां अहां बी तिस सौगी महिमा पाणी।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।