लूका 20:13 - बिलासपुरी नौआं नियम

¹³ बगीचे रे मालके गलाया, हुण हऊँ क्या करूँ? हऊँ अपणे पुत्रा जो तिन्हाले भेजगा, हुई सक्कां भई सै तिसरा आदर करगे।

लूका 20:13 ပူးပေါင်းရင်းမြစ်များ

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

मत्ती 3:17

कने स्वर्गा ते इक अवाज़ आई: “ये मेरा प्यारा पुत्र आ, तिसते जे हऊँ बौहत खुश आ।”

लूका 18:2

“किसी नगरा च इक न्यायी हुआं था, सै नांत परमेशरा ते डराँ था कने नांई किसी माहणुये री परवाह कराँ था।

लूका 18:4

तिने न्यायिये बौहत दिनां तक तिसा विधवा रिया गल्ला री परवाह नीं किति, पर बाद बिच तिने मना च बिचार कित्या, हलांकि हऊँ नांत परमेशरा ते डराँ, कने नांई माहणुआं री कोई परवाह कराँ।

लूका 20:12

बाद बिच तिने मालके अपणा तिज्जा नोकर भेज्या, पर तिन्हे करसाणें तिसजो बी घायल करीने खाली हत्थ बाहर कड्डित्या।

लूका 20:14

पर जिस मौके करसाणें तिसरे मुण्डुये जो देख्या, तां सै अप्पूँ चियें गलाणे लगे, देक्खा, इस बगीचे रा वारस आई कराँ। जे अहें इस्सो मारी देईये तां इसरी सारी जायदात अहांरी हुई जाणी!

लूका 9:35

तिस बगत तिस बदला चते इक अवाज़ आई कने तिन्हाने गलाणे लगी, “ये मेरा बड़ा प्यारा पुत्र आ कने मैं इसजो चुणीरा, इसरी सुणां।”

यूहन्ना 1:34

कने मैं देख्या, कने हऊँ तुहांजो सच्च बोलां भई येई परमेशरा रा पुत्र आ।”

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

गलातियां 4:4

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ।