लूका 2:7 - बिलासपुरी नौआं नियम

⁷ कने तिसारे पहलौठे पुत्रा रा जन्‍म हुया कने तिसे अपणे न्याणे जो कपड़े च लपेटी ने इक्की गोयडा रिया खुरलिया च रखया, काँह्भई नगरा च तिन्हाजो किसी बी सराईं बिच रैहणे जो जगह नीं मिली थी।

लूका 2:7 ပူးပေါင်းရင်းမြစ်များ

मत्ती 1:25

कने तदुआं तका जे तिसे मुण्डु नीं जणया, तदुआं तका सै मरियमा ले नीं गया: कने यूसुफे तिस मुण्डुये रा नौं यीशु रखया।

मत्ती 13:55

क्या ये तिस लकड़िया रे मिस्त्रीये राई मुण्डु निआं? कने क्या इसरिया मौआ रा नौं मरियम कने इसरे भाईयां रे नौं याकूब, यूसुफ, शमौन कने यहूदा नींये?

मत्ती 8:20

यीशुये तिसने गलाया, “गिदड़ियां ले तिन्हांरी कुड कने अम्बरा रे पंछियां रे आलणे हुआं ये; पर माहणुये रे पुत्रा ले सौणे रे खातर बी अपणा घर नींआ।”

लूका 10:34

तिने सामरी माहणुये झुकीने, तिसरे जख्मां पर तेला कने दाखरस औल़ी दवाय मल़ी, कने पट्टियां बन्ही, फेरी तिने तिस्सो अपणे गधे पर बठालया, कने इक्की सराईं च लेईग्या, तित्थी तिने सारी रात जाग्गीने तिसरी सेवा किति।

लूका 2:6

जिस बगत सै बैतलहम नगरा बिच थे तां मरियम रे वाल़्थी हुणे रा बगत आईग्या,

लूका 2:8

तिस देशा बिच कई गद्दी थे सै जे राति रे बगत खुल्लिया जगह बिच अपणी भेडां जो कट्ठा करीने तिन्हारी रखवाली कराँ थे।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

गलातियां 4:4

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ।