लूका 2:51 - बिलासपुरी नौआं नियम

⁵¹ फेरी सै तिन्हां सौगी नासरत जो वापस आईग्या, कने तिन्हारा हुक्म मनदा रैया; कने तिसरी माते ये सारी गल्लां अपणे मना च रखी।

लूका 2:51 ပူးပေါင်းရင်းမြစ်များ

मत्ती 12:46

सै हल्तियें लोकां ने गल्ल बात करया इ कराँ था, भई तिसरी माता कने भाई-बन्धु तित्थी आई ने बाहर खड़ीगे; सै तिसने गल्ल करना चाँह थे।

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

मरकुस 1:9

तिस वगत ताहली जे यूहन्ना प्रचार करीराँ था, यीशुये गलील प्रदेशा रे नासरत नगरा ते आईने, यरदन नदिया च यूहन्ना ते बपतिस्मा लैया।

मरकुस 6:3

तिन्हें ये बोल्लीने तिसरा अपमान कित्या, क्या ये सिर्फ इक लकड़िया रा मिस्त्री निआं? सै जे मरियम रा पुत्र, याकूब, योसेस, यहूदा कने शमौना रा भाई आ। क्या इस रियां बैहणीं येत्थी अहांरे बिच नीं रैहन्दियां?” इस खातर तिन्हें तिसजो ग्रहण नीं कित्या।

लूका 18:37

तिन्हें तिस्सो दस्या भई नासरत गाँवां रा यीशु जाईराँ।

लूका 2:19

पर मरियमे सारियां गल्लां जो अपणे मना च रखी कने सोच-विचार कित्या।

लूका 2:39

यीशुये रे मौ-बुढ़यां प्रभुये रे व्यवस्था रे मुतावक सारी जरूरी गल्लां पूरी कित्ती यां, तिसते बाद सै गलील प्रदेशा रे नासरत नगरा च अपणे घरा जो बापस आईगे।

लूका 4:16

फेरी यीशु नासरत नगरा च वापस आया, तित्थी जे सै पल़या-बढ़या था, तां अपणी रीता रे मुतावक सै विस्रामा रे दिन यहूदी सभा घरा च गया कने ऊथी पवित्रशास्त्र पढ़ने खातर खड़ा हुआ।

लूका 4:23

फेरी यीशुये तिन्हाजो गलाया, “शायद तुहां मेरे ऊपर ये कहावत जरूर बोलणी, भई बैद अप्पूँजो ठीक कर! कने जो किछ अहें सुणया भई जिस तरिके ने जे तैं कफरनहूम नगरा च सामर्था रे काम्म कित्ते, तिस तरिके ने येत्थी अपणे नगरा च काँह नीं करदा?

इफिसियां 5:21

मसीह रे प्रति आदर रखणे रिया वजह ते इक्की दूये रे अधीन रौआ।

1 पतरस 2:21

परमेशरे तुहें इस खातर सद्दीरे, काँह्भई मसीहे बी तुहांरे खातर दुख सैईरा कने अहांरे खातर इक उदाहरण बणीगरे, ताकि तुहां बी येढ़ा दुख सैहणा तियां जे तिने दुख सैया।