लूका 2:4 - बिलासपुरी नौआं नियम

⁴ इस खातर भई यूसुफ दाऊद रे टबरा कने कुलबे रा था, तां सै बी गलील प्रदेशा रे नासरत नगरा ते यहूदिया प्रदेशा बिच दाऊद राजे रे शहर बैतलहम जो गया,

लूका 2:4 ပူးပေါင်းရင်းမြစ်များ

मत्ती 1:20

पर ताहली जे यूसुफ इस बारे च सोच्ची कराँ था, तां परमेशरा रा इक दूत सपने च तिसरे सामणे आया कने तिसने बोलणे लगया, “ओ यूसुफ! तू सै जे दाऊद राजे रे खानदाना ते आ, मरियमा जो अपणी घरा औल़ी बनाणे ते मत डर, काँह्भई सै बच्चा जे तिसारे पेट्टा चा सै पवित्र आत्मा रिया सामर्था ते आ।

मत्ती 2:23

कने नासरत नौआं रे नगरा च जाईने बसीग्या, ताकि सै बचन पूरा ओ, सै जे भविष्यवक्तयां यीशुये रे बारे च दस्या था : भई “तिस्सो लोकां जाणना भई सै नासरत नगरा ते आ।”

लूका 2:3

तां बादशाह रे हुक्मा रे मुतावक सारे लोक अपणे नौआं जो लखाणे खातर अपणे-अपणे पूर्वजां रे नगरा जो गये।

लूका 2:5

भई तित्थी जाई कने अपणी भारहत्थी मंगेतर मरियम सौगी नौं लखाई सक्को।

लूका 4:16

फेरी यीशु नासरत नगरा च वापस आया, तित्थी जे सै पल़या-बढ़या था, तां अपणी रीता रे मुतावक सै विस्रामा रे दिन यहूदी सभा घरा च गया कने ऊथी पवित्रशास्त्र पढ़ने खातर खड़ा हुआ।

यूहन्ना 1:46

फेरी नतनएले तिसते पुच्छया, “क्या कोई खरी चीज़ नासरत ते बी निकल़ी सक्कां इ?” फिलिप्पुसे तिसने गलाया, “जाईने देक्खी लें।”

यूहन्ना 7:42

क्या पवित्रशास्त्रा च ये नीं लिखिरा भई मसीहा दाऊद रे कुल़ा ते हूणा कने तिस बैतलहम गाँवां ते औणा, तित्थी जे दाऊद रैयां था?”