लूका 2:37 - बिलासपुरी नौआं नियम

³⁷ हुण सै चौरासियां साल्लां री थी। सै मन्दरा रे अंगणा जो छड्डिने किति जो नीं जान्दी थी, कने रात दिन ऊथी रैयां थी। सै भुक्खी प्यासी रैईने प्राथना सौगी परमेशरा री अराधना कराँ थी।

लूका 2:37 ပူးပေါင်းရင်းမြစ်များ

लूका 5:33

इक दिन तिन्हें तिसने बोल्या, “यूहन्ना रे चेले त लगातार उपवास रखां ये कने प्राथना करदे रैं, कने तियां इ फरीसियां रे बी, पर तेरे चेले त खांदे पींदे रैं।”

प्रेरितां 13:3

तां तिन्हें उपवास कने प्राथना करीने तिन्हां परा हात्थ रखीने परमेशरा रा काम्म करने जो भेज्या।

प्रेरितां 14:23

कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

प्रेरितां 26:7

तिसा प्रतिज्ञा रे पूरे हुणे री आशा लाईने, अहांरे बारा गोत्र अपणे सारे मना ते रात दिन परमेशरा री अराधना करदे आया रायें। हे राजा, इसा इ आशा रे बारे च यहूदी अगुवे मांह पर दोष लांये।

1 तिमुथियुस 5:5

तिसा विधवा रा, तिसारी देखभाल करने औल़ा जे कोई बी नींआ, सै परमेशरा पर इ आशा रखां इ, कने मददा रे खातर रात-दिन परमेशरा ने विनती कने प्राथना करने च लगीरी रैईं;

प्रकाशितवाक्य 3:12

सै जे जय पाओ तिस्सो मांह अपणे परमेशरा रे मन्दरा च इक खम्भा बनाणा, तित्थी ते तिस कदीं बाहर नीं निकल़णा। कने मांह अपणे परमेशर रा नौं कने अपणे परमेशर रे नगर यनिके नये यरूशलेम रा नौं, सै जे मेरे परमेशरा रिया तरफा ते स्वर्गा ते उतरने औल़ा, कने मांह अपणा नया नौं बी तिस पर लिखणा।

प्रकाशितवाक्य 7:15

इस वजह ते “ये परमेशरा रे संघासणा रे सामणे, कने तिसरे मन्दरा च दिन-रात तिसरी सेवा कराँ ये; कने सै जे संघासणा पर बैठिरा, तिस तिन्हां परा अपणे तम्बू ताणने।