लूका 2:21 - बिलासपुरी नौआं नियम

²¹ अट्ठां दिनां बाद, यहूदी रीति-रिवाजा रे मुतावक तिस बगत जे तिस बच्चे रा खतना (नामकरण संस्कार) हुया, ताहली तिसरा नौं यीशु रखया। ये सै नौं था तिस न्याणे रा नौं जे पेट्टा च औणे ते पैहले स्वर्गदूते मरियमा जो दस्सीरा था।

लूका 2:21 ပူးပေါင်းရင်းမြစ်များ

मत्ती 1:21

तिसा इक पुत्र जणना तू तिसरा नौं यीशु रखयां, काँह्भई तिस अपणे लोकां जो तिन्हारे पापां ते छुटकारा दिलाणा।”

मत्ती 1:25

कने तदुआं तका जे तिसे मुण्डु नीं जणया, तदुआं तका सै मरियमा ले नीं गया: कने यूसुफे तिस मुण्डुये रा नौं यीशु रखया।

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

लूका 1:31

तू गर्भवति हूणा, कने तेरते इक बालक जमणा; कने तू तिसरा नौं यीशु रखयां।

लूका 1:59

ताहली जे सै मुण्डुये अट्ठां दिनां रा हुया, तां यहूदी जातिया री रशमा रे मुतावक सारे रिश्तेदार कने मित्र तिसरा खतना (नामकरण) करने खातर कट्ठे हुए। सै तिस मुण्डुये रा नौं तिसरे पिता रे नौआं रे मुतावक जकर्याह रखणे लगे।

फिलिप्पियां 2:8

कने तिने माहणुये रे रुपा च प्रगट हुईने अप्पूँजो नम्र कित्या कने परमेशरा रा आज्ञाकारी हुईने सै मरने रे खातर त्यार हुआ, कने अपराधिये साई क्रूसा पर मरया।