लूका 2:15 - बिलासपुरी नौआं नियम

¹⁵ स्वर्गदूत गान्दे-गान्दे स्वर्गा जो चलिये तां फेरी गद्दिएं इक्की-दूये जो खुशखबरी दित्ति, चला अहें बैतलहम चलिये कने ये जे गल्लां हुईयां कने तिन्हांजो प्रभुये परगट कित्या, इन्हांजो जाईने देखिये

लूका 2:15 ပူးပေါင်းရင်းမြစ်များ

मत्ती 12:42

न्याय रे दिन दखण रिया राणिया इसा पीढ़िया रे लोकां सौगी खढ़ना कने तिसा सै दोषी बनाणे, काँह्भई सै बड़े दूर प्रदेशा ते सुलैमान रा प्रचार सुणने जो आई थी; कने देक्खा, येत्थी सै आ सै जे सुलैमान ते बी बड्डा, पर तुहें मन बदलने जो त्यार नींये।

लूका 2:14

स्वर्गा च परमेशरा री बडयाई ओ कने धरतिया पर तिन्हां माहणुआं ते जे परमेशर खुश आ तिन्हां पर सुख-शान्ति ओ।

लूका 2:16

फेरी सै झट-पट गये कने गोयडा च मरियम कने यूसुफ जो देख्या कने खुरलिया च तिस न्याणे जो बी देख्या।

लूका 24:51

तिन्हाजो आशीष देन्दे हुये, सै तिन्हाते लग हुईग्या, कने परमेशर तिस्सो स्वर्गा जो लेईग्या।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।