लूका 19:9 - बिलासपुरी नौआं नियम

⁹ यीशुये तिस्सो गलाया, “आज्ज परमेशरे इस परिवारा रा छुटकारा कित्या, काँह्भई तैं बी परमेशरा पर विश्वास कित्या तियां जे तुहांरे पूर्वज अब्राहमे कित्या था।

लूका 19:9 ပူးပေါင်းရင်းမြစ်များ

लूका 13:16

ये जनाना त अब्राहमा रे कुल़ा तेई तिसौ जे शैताने ठारां साल्लां रे लम्बे बगता ते बन्हीने रखीरा था, क्या इसाजो तिसते छडवाणा यहूदियां रे विस्राम रे दिन जरूरी नीं था?”

लूका 13:30

ये जाणी लौआ, कितणे सै जे अप्पूँजो खास समझां ये, हुण सै खास नीं रैहणे, कने सै जे खास नीं समझे जायें, सै औणे औल़े वगता च बौहत खास समझे जाणे।”

लूका 16:24

तां तिने अमीर माहणुये जोरा ने हाक पाई, पिता अब्राहम, दया करीने लाजरा जो मेरले भेज्जी दे, ताकि सै अपणिया गुट्ठियां जो पाणिये च सेड़ीने मेरिया जीभा जो ठण्डा करी सक्को, काँह्भई हऊँ इन्हां अग्गी रियां लपटां च फुक्खीने तड़फणे लगीरा।”

लूका 16:30

तिने गलाया, नां; पिता अब्राहम! पर जे कोई मरीरेआं चा ते तिन्हाले जाईने तिन्हांजो चेतावनी देओ, तां तिन्हां अपणयां पापां ते मन फिराणा।

लूका 2:30

काँह्भई तियां जे तैं मेरने वादा कित्तिरा था, तिसरे मुतावक मैं तेरे छुटकारा देणे औल़े जो देखीलरा,

लूका 3:8

जे तू तिसा सजा ते बचणा चांह तां अपणिया जिन्दगिया च ये साबित कर भई तैं अपणयां पापां ते मन फिराया कने परमेशरा खौ मुड़ीरा। कने अपणे-अपणे मना च ये नीं सोच्चा भई अब्राहम अहांरा पूर्वज आ; ताकि परमेशरा अहांजो सजा नीं देणी, पर हऊँ तुहांजो बोलां भई ‘परमेशर अब्राहमा रे खातर इन्हां पत्थराँ ते बी बच्चा पैदा करी सक्कां!’

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

गलातियां 3:14

मसीहे अहांजो इस खातर छडवाया भई अब्राहमा जो दित्तिरी आशीष मसीह यीशुये रे जरिये अन्यजातियां जो मिली सक्को, ताकि विश्वास करने रे जरिये अहें तिस पवित्र आत्मा जो पाई सक्को, तिसरा जे तिने अहांजो देणे रा वायदा कित्तिरा था।

गलातियां 3:29

कने काँह्भई तुहें मसीह रे, तां फेरी तुहें अब्राहम रे वंश ये, कने परमेशरे सै जे वायदा अब्राहमा ने कित्या था, तिस वायदे रे बारस बी ये।

गलातियां 3:7

तां फेरी तुहें ये समझी लेणा चाहिन्दा, भई अब्राहम री असली औलादां सैई हाईयां सै जे परमेशरा पर विश्वास कराँ ये।

1 पतरस 2:10

पैहले तुहें परमेशरा रे लोक नीं थे, पर हुण तुहें परमेशरा रे लोक ये। पैहले तुहां पर परमेशरा री दया नीं हुईरी थी, पर हुण हुईरी।