लूका 19:5 - बिलासपुरी नौआं नियम

⁵ ताहली जे यीशु तिसरे नेड़े आया, तां तिने डाल़ा रे ऊपर जक्कईये जो बैठिरा देख्या कने तिसरा नौं लेईने हाक पाई, “जक्कई! छोड़चा ने थल्ले औ! काँह्भई आज्ज ये जरूरी आ भई हऊँ तेरे घरें रऊँ।”

लूका 19:5 ပူးပေါင်းရင်းမြစ်များ

लूका 19:10

काँह्भई, माहणुये रा पुत्र यनि हऊँ परमेशरा ते दूर हुईगरे लोकां जो अनन्त सजा ते बचाणे, कने तिन्हारा छुटकारा करने आईरा।”

लूका 19:2

तां तित्थी जक्कई नौआं रा इक माहणु था, सै जे रोमी सरकारा रे खातर चुंगी लेणे औल़यां रा सरदार कने खूब पैसे औल़ा था।

लूका 19:4

फेरी तिस्सो देखणे खातर सै दौड़ीने सबनीं ते अग्गे गया कने गुलरा रे डाल़ा पर जाईने कोहीग्या काँह्भई यीशु तिसा इ बाटे जाणे औल़ा था।

लूका 19:6

जक्कई इकदम थल्ले उतरया कने बड़िया खुशिया ने यीशुये जो अपणे घरें लैईग्या।

यूहन्ना 1:48

नतनएले यीशुये ते पुच्छया, “तुहें मिन्जो कियां जाणाँ?” यीशुये तिसजो जबाब दित्या, “इसते पैहले भई फिलिप्पुसे तिज्जो सद्दया, ताहली तू अंजीरा रे डाल़ा हेठ था, तां मैं तिज्जो देख्या था।”

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

इब्रानियों 13:2

अंजाण लोकां रा आदर करना नीं भूल्ला, काँह्भई येढ़ा करने रे जरिये किछ लोकें अनजाणे च स्वर्गदूतां रा आदर कित्तिरा।

प्रकाशितवाक्य 3:20

देख, हऊँ दरवाजे पर खड़ीने भित ठल़काँ; जे कोई मेरी अवाज़ सुणी ने खोलगा, तां मांह अन्दर आईने तिसने सौगी रोटी खाणी कने तिस मेरे सौगी रोटी खाणी।