लूका 18:32 - बिलासपुरी नौआं नियम

³² तिस्सो रोमियां रे हत्था च पकड़वाया जाणा। तिन्हां तिसरा मजाक डवाणा, कने तिसरी बेज्जति करीने तिस पर थुकणा।

लूका 18:32 ပူးပေါင်းရင်းမြစ်များ

मत्ती 16:21

तिस बगत यीशु अपणे चेलयां जो दसणे लगया, भई “मिन्जो यरूशलेम जाणा चाहिन्दा कने तित्थी यहूदी शास्त्रियां, बजुर्ग यहूदी नेतयां, कने मुखियायाजकां रे जरिये बड़ा दुख सहीने; मारया जाऊँ; फेरी तिज्जे दिन मूईरयां चा ते माह जिऊंदे हुई जाणा।”

मत्ती 20:19

कने मिन्जो अन्यजातियां रे हवाले कित्या जाणा, भई सै मेरा मजाक डवाओ, कने कोड़े मारो, कने मिन्जो क्रूसा पर चढ़ाओ, कने मांह तिज्जे दिन मूईरयां ते जिऊंदा हुई जाणा।”

मत्ती 22:6

कने किछ लोकें त राजे रे सेवका जो पकड़ीने तिसने मार-कुट किति कने जानी ते मारीते।

मत्ती 26:67

फेरी तिन्हे तिसरे मुँआं पर थुक्कया कने तिस्सो मुक्के मारे, किछ लोकें थप्पड़ मारया कने गलाया,

मत्ती 27:2

फेरी सै तिस्सो बन्हीने दूर लेईये कने राजपाल पिलातुसा रे हत्थे सौंपीत्या।

मरकुस 14:65

तां किछ लोक तिस पर थुकणे लगे, कोई तिसरा मुँह ढकणे लगे कने घसुन्ने मारने लगे, किछ तिसने बोलणे लगे, “जे तू इक भविष्यवक्ता, तां अहांजो दस्स भई तिज्जो किने मारया!” कने सपाहियें तिन्हें जे तिस्सो पकड़ीरा था थप्पड़ मारे।

मरकुस 15:1

भ्याग हुंदे इ ताहलूं मुखियायाजकें, बजुर्ग अगुवेयां, शास्त्रियें कने सारिये महासभे सलाह करीने ये फैसला लेआ भई यीशुये रा न्याय करने खातर तिस्सो पिलातुस राजपाला ले सौंपीत्या।

लूका 18:33

तिन्हां तिस्सो कोड़े मारी कने जानी ते खत्म करी देणा। पर तिस मरने ते बाद तिज्जे दिन फेरी भीं ते ज्यून्दे हुई जाणा।”

लूका 23:1

फेरी तिन्हारी सारी पंचायत उट्ठीने खढ़ी हुई कने सै तिस्सो पिलातुस राजपाल्ला रे सामणे लेईगे।

लूका 23:11

हेरोदेस बी अपणे सपाईयां समेत तिसने बुरा बरताव कित्या कने तिसरा मजाक चक्कया। फेरी तिन्हे तिस्सो इक शाही बस्त्र पैहनाईने वापस पिलातुस ले भेजित्या।

लूका 23:35

तित्थी लोक खढ़ी ने ये सरा किछ देखदे रैये। मुखिये यीशुये रा मजाक चक्की ने बोलीराँ थे, “इने होरीं जो त बचाया। जे ये परमेशरा रा मसीह आ कने तिसरा चुणीरा, तां अप्पूँजो बचाओ।”

यूहन्ना 18:22

तंजे तिने येढ़ा गलाया तां मन्दरा रे पैहरेदारे सै जे तित्थी खढ़िरा था, यीशुये जो इक थप्पड़ मारया, कने गलाया तैं महायाजका जो ईंयाँ जबाब देणे री हिम्मत कियां किति।

यूहन्ना 18:28

फेरी सै सवेरे रे बगत यीशुये जो कैफा रे घरा ते रोम रे राजपाल पिलातुस ले मैहला जो लईगे, पर यहूदी लोकां चते कोई बी राजपाला रे मैहला च जान्दा, तां सै अपवित्र हुई जान्दा कने तिस्सो फसह री रोटी खाणे री अनुमति नीं मिलदी।

यूहन्ना 18:30

तिन्हें जबाब दित्या, “जे ये अपराधी नीं हुंदा, तां अहें इस्सो तेरे हवाले नीं करदे।”

यूहन्ना 18:32

ये इस खातर हुआ भई यीशुये री ये बोल्ली रियां गल्लां सच्च साबित हुईजो तिन्हांरे जरिये जे तिने संकेत दित्या था भई तिसरी मौत किस तरीके री हुणी।

यूहन्ना 18:35

पिलातुसे गलाया, तू जाणां भई हऊँ यहूदी नींआ, तैं येढ़ा क्या कित्तिरा भई तेरे लोकें कने मुखियायाजकें तिज्जो मेरे हवाले करित्या?

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।