लूका 18:17 - बिलासपुरी नौआं नियम

¹⁷ हऊँ तुहांजो सच्च बोलां, सै जे कोई परमेशरा जो राजे रे रुपा च बच्चयां साई ग्रहण नीं करगा, तां परमेशरा तिन्हां पर राज करने जो सैहमत नीं हूणा।”

लूका 18:17 ပူးပေါင်းရင်းမြစ်များ

मत्ती 18:3

कने बोल्या “हऊँ तुहांजो सच्च बोलां भई जे तुहें बदली ने बच्चयां साई नम्र नीं ओ, तां परमेशरा तुहां पर राज करने जो सैहमत नीं हूणा।

मत्ती 19:14

यीशुये गलाया, “बालकां जो मेरले औणे देआ तिन्हौं नां नीं करा, काँह्भई बच्चयां साई गुण रखणे औल़े माहणुआं पर इ परमेशरा राज करने रे खातर त्यार हूणा।”

मरकुस 10:15

हऊँ तुहांजो सच्च बोलां भई सै जे कोई परमेशरा जो अपणे राजे रे रुपा च बच्चयां साई ग्रहण नीं करो, तां परमेशरा तिन्हां पर राज करने जो सैहमत नीं हूणा।”

लूका 18:16

यीशुये गलाया, “बालकां जो मेरले औणे देआ तिन्हौं नां नीं करा, काँह्भई बच्चयां साई गुण रखणे औल़े माहणुआं पर इ परमेशरा राज करने रे खातर त्यार हूणा।

1 कुरिन्थियों 14:20

अरे साथी विश्वासियो, तुहें अपणिया समझा च बालकां साई नीं बणा। फेरी बी बुराईया च त बालक रौआ, पर समझा च सयाणे बणा।

1 पतरस 1:14

हुक्म मनणे औल़े बच्चयां साई रौआ कने अपणी बुरी इच्छां रे मुतावक बर्ताव मत करा, तियां जे तुहें पैहले कराँ थे ताहली जे तुहांजो परमेशरा री सच्चाई पता नीं थी।

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।