लूका 18:14 - बिलासपुरी नौआं नियम

¹⁴ हऊँ तुहांजो बोल्लां, भई सै दुज्जा नीं; पर येई पापी माहणु परमेशरा रे सामणे धर्मी ठैहरया, कने अपणे घरा जो वापस गया; पर फरीसिये सौगी येढ़ा नीं हुया, काँह्भई सै जे कोई अप्पूँजो महान समझगा, तिसजो परमेशरा नम्र बनाणा, पर सै जे कोई अप्पूँजो नम्र बणांगा, तिस्सो परमेशरा आदर देणा।”

लूका 18:14 ပူးပေါင်းရင်းမြစ်များ

मत्ती 23:12

सै जे कोई अप्पूँजो महान समझगा, तिसजो परमेशरा नम्र बनाणा, पर सै जे कोई अप्पूँजो नम्र बणांगा, तिस्सो परमेशरा आदर देणा।

मत्ती 5:3

“परमेशर तिन्हां लोकां जो आशीष देआं, सै जे जाणाँ ये भई तिन्हौं परमेशरा री जरूरत इ, काँह्भई सै तिन्हां पर राज कराँ।

लूका 1:52

परमेशरे राजयां जो तिन्हां रिया राजगद्दियां ते थल्ले त्वारी दित्या; कने पिड़ितां जो परमेशरे ऊच्चे संघासणां पर बठाल़ीने आदर दित्या।

लूका 10:29

पर सै माहणु अप्पूँजो धर्मी बनाणे रिया इच्छा ते, यीशुये ते पुच्छां, “तां मेरा पड़ेसी कुण आ?”

लूका 14:11

काँह्भई सै जे कोई अप्पूँजो महान समझगा, तिसजो परमेशरा नम्र बनाणा, पर सै जे कोई अप्पूँजो नम्र बणांगा, तिस्सो परमेशरा आदर देणा।”

लूका 16:15

फेरी यीशुये तिन्हाने गलाया, तुहें लोकां रियां नज़राँ च बड़े धर्मी बणां ये, पर परमेशर तुहांरे कपटी स्वभावा जो जाणाँ। माहणुआं रिया समझा च सै जे खास आ, सै परमेशरा रिया नज़राँ च बेकार आ।

रोमियो 3:20

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

रोमियो 4:5

माहणुये रे किसी कम्मा रिया वजह ते परमेशर तिसजो धर्मिये रे रुपा च ग्रहण नीं करदा, पर सै जे पापी लोकां जो धर्मी बनाणे औल़े परमेशरा पर विश्वास करां, तिसरा विश्वास तिसरे खातर धार्मिकता गिणया गया।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

रोमियो 8:33

कोई बी अहांजो परमेशरा रे सामणे दोष नीं देई सकदा काँह्भई सैई हाया सै जे अहांजो धर्मी घोषित कराँ।

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

याकूब 4:10

प्रभुये रे सामणे अप्पूँजो नम्र करा, तां तिस तुहांजो आदर देणा।

याकूब 4:6

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”