लूका 18:12 - बिलासपुरी नौआं नियम

¹² हऊँ हफ्ते च दो बार उपवास रखां, कने अपणी सारी औंदणिया रा दसवां हिस्सा बी देआं।”

लूका 18:12 ပူးပေါင်းရင်းမြစ်များ

मत्ती 5:20

काँह्भई हऊँ तुहांजो बोलां, भई तुहें शास्त्रियां कने फरीसियां रे धर्मा रे आचरणा ते बधीने व्यवहार करो, तां तुहांरा स्वर्गा रे राज्जा च दाखल हूणा सान आ।”

मत्ती 6:1

“खबरदार हुई जवा! परमेशर चाँह, तिन्हां खरयां कम्मां रा लोकां रे सामणे दिखावा मता करदे नईतां तुहें अपणे पिता ते, सै जे स्वर्गा चा, तिसरा किछ बी ईनाम नीं पाई सकगे।”

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 6:5

“ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

मत्ती 9:14

फेरी बपतिस्मा देणे औल़े यूहन्ने रे चेलयां तिसले आईने बोल्या, “क्या वजह इ भई अहें कने फरीसी इतणा उपवास कराँ ये, पर तेरे चेले उपवास नीं करदे?”

लूका 11:42

“पर फरीसियो, तुहांजो बौहत भयानक सजा मिलणी! तुहें अपणी छोट्टी ते छोट्टी कमाईया रा यनि सौंफ, जीरा, कने पुदीने रा बी दसवां हिस्सा देणा नीं भुलदे, पर तुहें न्याय कने परमेशरा रे प्यारा जो भुल्ली जायें। ये ठीक आ भई तुहें दशमांश दें, पर सै जे इसते बी जरूरी गल्ल इ, तुहें तिसजो बी करना नीं भूल्लो।

लूका 17:10

इस तरिके ने, ताहली जे तुहें मेरे हुक्मा रा पालन कराँ ये, तां तुहें येढ़ा बोल्यों, अहें इस लायक नींये भई परमेशर अहांरा धन्यवाद करो, अहें त सिर्फ परमेशरा रे दास ये कने सै जे तिने बोल्या अहें सैई कित्या।

रोमियो 3:27

तां फेरी येढ़ि कोई गल्ल इ तिसरे बारे च जे अहें घमण्ड करी सक्कां ये? किछ बी नींआ! कने इसरी वजह क्या इ? क्या ये इसरी वजह इ भई अहें व्यवस्था रा पालन कराँ ये? नां, पर ये यीशु मसीह पर विश्वास करने रिया बजह नेआ।

1 कुरिन्थियों 1:29

परमेशरे ये कित्या ताकि कोई बी माहणु परमेशरा रे सामणे घमण्ड नीं करी सक्को।

गलातियां 1:14

हऊँ यहूदी धर्मा च अपणी जाति औल़यां ते सै जे मेरिया उम्रा रे थे, जादा बधदा गया कने मेरे पूर्वजां ते सै जे रिवाज मिन्जो मिले, तिन्हां च मेरी बौहत आस्था थी।

इफिसियां 2:9

कने ये अहांरे कित्तिरे कर्मां रा फल़ निआं तिसरा जे कोई घमण्ड करी सक्को।

1 तिमुथियुस 4:8

काँह्भई शरीरा रिया वर्जिशा रा किछ इ फायदा मिलां, पर आत्मिक वर्जिश सारियां गल्लां खातर फायदेमन्द इ, काँह्भई ये इक्की माहणुये रे जिऊंदा रैहन्दे हुये बी कने मरने ते बाद बी तिसरी मदद कराँ इ।