लूका 17:24 - बिलासपुरी नौआं नियम

²⁴ काँह्भई तियां जे बिज्जल़ चमकीने इक कोणे ते दुज्जे कोणे तक अम्बरा जो चमकाई देईं, तियां इ ताहली जे माहणुये रे पुत्रा यनि मांह वापस औणा, सब्बीं मिन्जो देखणा।

लूका 17:24 ပူးပေါင်းရင်းမြစ်များ

मत्ती 24:27

“हऊँ ये बोलीराँ काँह्भई तियां जे बिज्जल़ पूरबा ते शुरु हुईने पच्छमा रे अम्बरा तक चमकां इ, माहणुये रे पुत्रा रा औणा बी तियां इ हूणा।

मत्ती 24:30

तिस बगत माहणुये रे पुत्रा रे औणे रा नशाण अम्बरा च परगट हूणा, कने फेरी धरतिया पर सारी जातियां रे लोकां छाती पिट देयां बलाप करना; कने तिन्हां माहणुये रे पुत्रा जो बड्डिया सामर्थ कने महिमा सौगी स्वर्गा रे बद्दल़ा पर औन्दे देखणा।

मत्ती 25:31

“ताहली जे माहणुये रे पुत्रा यनि मांह वापस अपणिया महिमा च औणा कने सारे स्वर्गदूत मेरे सौगी औणे, तां मांह सब्बी लोकां पर राज करने खातर अपणे राजकीय संघासणा पर बैठणा।

मत्ती 26:64

यीशुये जबाब दित्या, “तैं अप्पूँ इ बोल्या; पर हऊँ तुहांजो बोलां भई तुहां माहणुये रा पुत्र सर्वशक्तिमान परमेशरा रे सज्जे पासे बैठिरा कने अम्बरा रे बद्दल़ां पर बड़े छोड़ औन्दे देखणा।”

मत्ती 5:15

लोक दिऊआ बाल़ीने किसी टोकरे हेठ नीं पर ऊच्चिया ठारी रखां ये, ताकि तिसते घरा रे सारयां लोकां जो लोय हुईजो।

1 कुरिन्थियों 1:8

तिस तुहांजो आखिर तक मजबूत रखणा ताकि तुहें अहांरे प्रभु यीशु मसीह रे दिन निर्दोष हुन्गे।

1 थिस्सलुनीकियां 5:2

काँह्भई तुहें खुद जाणाँ ये भई तियां जे राति जो चोर औआं, तियां इ प्रभु यीशुये रे वापस औणे रा दिन औणे औल़ा।

2 थिस्सलुनीकियां 2:2

तुहें सानिया ने किसी भविष्यवाणी, किसी उपदेश यनि किसी येढ़िया चिट्ठिया ते अपणे मना च दुखी नीं हुयां कने मत डरयां तिसाजो जे अहांरे जरिये लिखिरा समझया जान्दा हो कने तिसच जे इस तरिके ने दस्या गया हो भई प्रभुये रे औणे रा दिन आई चुक्कीरा।

2 थिस्सलुनीकियां 2:8

फेरी तिस दुष्ट माहणुये प्रगट हूणा, तिस्सो जे प्रभु यीशुये अपणे मुँआं रे साह ने मारी देणा, कने अपणे औणे रे तेजा ते भस्म करना।

याकूब 5:8

इस खातर भई प्रभु यीशुये रा औणा नजदीक आ, तुहें बी तसल्ली रक्खीने अपणे मना च मजबूत रौआ।

2 पतरस 3:10

पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।