लूका 16:26 - बिलासपुरी नौआं नियम

²⁶ कने इन सारी गल्लां जो छड्ड अहांरे कने तुहांरे बिच इक बड्डी कने डुग्गी खाई बणीरी भई सै जे कोई येत्थीते उस पार तुहांले जाणा चाओ, सै जाई नीं सक्को, कने न कोई ओत्थी ते इस पार अहांले आई सक्को।

लूका 16:26 ပူးပေါင်းရင်းမြစ်များ

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

लूका 12:59

हऊँ तुहां बोलां भई तदुआं तक जे तू पाई-पाई चुकाई नीं देंगा तदुआं तक तित्थीते छुट्टी नीं पाणा।”

लूका 16:25

पर अब्राहमे तिसजो गलाया, मेरे पुत्र, याद कर, भई तू अपणी पूरी जिन्दगिया च खरी चिज़ां पाई चुक्कीरा, कने तियां इ लाजरे बुरियां चिज़ां पाईयां: पर हुण सै येत्थी सुखी आ कने तू दुख सही कराँ।

लूका 16:27

अमीर माहणुये जबाब दित्या, तां पिता अब्राहम, हऊँ तेरते बिनती कराँ, भई मेहरवानी करीने तू लाजरा जो मेरे पिता रे घरें भेज।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

प्रकाशितवाक्य 20:10

कने शैतान सै जे तिन्हांजो धोखे च रक्खां था आग्ग कने गन्धका रिया नदिया च पाया जाणा, तित्थी जे सै पशु कने झूट्ठा भविष्यवक्ता बी हूणा, कने सै रात-दिन युग-युग पीड़ा च तड़फदे रैहणे।

प्रकाशितवाक्य 22:11

सै जे अन्याय कराँ, सै अन्याय इ करदा रौ; कने सै जे गन्दा, सै गन्दा इ बणीरा रौ; सै जे धर्मी आ, सै धर्मी बणीरा रौ; कने सै जे पवित्र आ, सै पवित्र बणीरा रौ।”