लूका 16:25 - बिलासपुरी नौआं नियम

²⁵ पर अब्राहमे तिसजो गलाया, मेरे पुत्र, याद कर, भई तू अपणी पूरी जिन्दगिया च खरी चिज़ां पाई चुक्कीरा, कने तियां इ लाजरे बुरियां चिज़ां पाईयां: पर हुण सै येत्थी सुखी आ कने तू दुख सही कराँ।

लूका 16:25 ပူးပေါင်းရင်းမြစ်များ

मत्ती 27:63

तिन्हे गलाया, “महांराज, अहांजो याद आ भई तिने झूठे ताहली जे सै जिऊंदा था, गलाया था, माह तिज्जे दिन ज्यून्दे हुई जाणा।

मरकुस 9:45

पाप करने रिया हरेक वजह जो दूर करा! इसजो पूरे तरिके ने अस्वीकार करा तियां जे भई तुहें इक पैर बड्डया रांये सै जे तुहांरा पाप करने री वजह बणां। जे तुहें स्वर्गा जो जांये, भले इ तुहांले सिर्फ इक हात्थ हो, सै बधिया। पर तुहांले दो पैर हो कने तुहें नरका च जाओ, तां सै बुरा।

लूका 16:20

लाजर नौआं रा इक गरीब माहणु तिसरा शरीर जे फोड़यां ने भरीरा हुआं, लोक तिस्सो तिस अमीर माहणुये रे दरवाजे च छड्डी जां थे।

लूका 16:23

कने तिसरी आत्मा नरका च चलीगी। तित्थी पीड़ा च तड़फदे हुये ताहली जे तिने ऊपर देख्या तां दूरा ते तिस्सो इक्की जगह लाजर अब्राहमा रे नेड़े बैठिरा सुझया।

लूका 16:26

कने इन सारी गल्लां जो छड्ड अहांरे कने तुहांरे बिच इक बड्डी कने डुग्गी खाई बणीरी भई सै जे कोई येत्थीते उस पार तुहांले जाणा चाओ, सै जाई नीं सक्को, कने न कोई ओत्थी ते इस पार अहांले आई सक्को।

लूका 6:24

यीशुये भीं ते गलाया, सै जे अमीर ये तिन्हांरे खातर कितणी भयानक सजा हूणी, काँह्भई सै इस संसारा च सुख पाई चुक्कीरे।

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

रोमियो 8:7

काँह्भई पापी स्वभावा रे मुतावक चलना त परमेशरा ने बैर रखणा, काँह्भई नांत पापी स्वभाव परमेशरा रिया व्यवस्था रे अधीन आ कने नां तिसरिया व्यवस्था रा पालन करी सक्कां;

फिलिप्पियां 3:19

अन्त च परमेशरा तिन्हांरा नाश करना, सै लोक सिर्फ अपणी शारीरिक इच्छां जो पूरा करने रे खातर जीआं ये, कने सै अपणी बेशर्म गल्लां पर घमण्ड कराँ ये कने संसारा रिया चीजां पर मन लाई रखां ये।

1 थिस्सलुनीकियां 3:3

ताकि कोई अजकयां इन्हां कलेशां रिया वजह ने विचलित नीं हुई जाओ। काँह्भई तुहें त जाणाँ इ हाये भई अहांजो त कल़ेशां रेई खातर भेज्जिरा।

इब्रानियों 11:25

इस खातर भई तिस्सो पापां च थोड़े इ दिनां रे सुख भोगणे ते परमेशरा रे लोकां सौगी दुख भोगणा जादा खरा लगया।

1 यूहन्ना 2:15

तुहें न त तिन्हां चिज़ां री इच्छा करा, तिन्हांरी इच्छा सै लोक कराँ ये सै जे परमेशरा रा अनादर कराँ ये, जे कोई संसारा रे तिन्हां लोकां साई व्यवहार कराँ तिसते जे परमेशरा जो महिमा नीं मिलो, तां सै पिता परमेशरा ने प्यार नीं करदा।

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।