लूका 16:24 - बिलासपुरी नौआं नियम

²⁴ तां तिने अमीर माहणुये जोरा ने हाक पाई, पिता अब्राहम, दया करीने लाजरा जो मेरले भेज्जी दे, ताकि सै अपणिया गुट्ठियां जो पाणिये च सेड़ीने मेरिया जीभा जो ठण्डा करी सक्को, काँह्भई हऊँ इन्हां अग्गी रियां लपटां च फुक्खीने तड़फणे लगीरा।”

लूका 16:24 ပူးပေါင်းရင်းမြစ်များ

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

लूका 16:30

तिने गलाया, नां; पिता अब्राहम! पर जे कोई मरीरेआं चा ते तिन्हाले जाईने तिन्हांजो चेतावनी देओ, तां तिन्हां अपणयां पापां ते मन फिराणा।

लूका 19:9

यीशुये तिस्सो गलाया, “आज्ज परमेशरे इस परिवारा रा छुटकारा कित्या, काँह्भई तैं बी परमेशरा पर विश्वास कित्या तियां जे तुहांरे पूर्वज अब्राहमे कित्या था।

लूका 3:8

जे तू तिसा सजा ते बचणा चांह तां अपणिया जिन्दगिया च ये साबित कर भई तैं अपणयां पापां ते मन फिराया कने परमेशरा खौ मुड़ीरा। कने अपणे-अपणे मना च ये नीं सोच्चा भई अब्राहम अहांरा पूर्वज आ; ताकि परमेशरा अहांजो सजा नीं देणी, पर हऊँ तुहांजो बोलां भई ‘परमेशर अब्राहमा रे खातर इन्हां पत्थराँ ते बी बच्चा पैदा करी सक्कां!’

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 7:37

फेरी त्योहारा रे खत्म हुणे औल़े दिन, सै जे खास दिन आ, यीशु उट्ठया कने जोरा ने गलाया, “जे कोई प्यासा ओ तां मेरले आईने पीओ।

रोमियो 4:12

अब्राहम खतना औल़यां रा बी आत्मिक पिता, पर तिन्हारा बी आ जे सै परमेशरा पर विश्वास करीने अहांरे पूर्वज अब्राहमा साई जीवन बितायें, तियां जे सै खतने ते पैहले जीया था।

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

याकूब 2:13

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।

याकूब 3:6

हाँ, ये जीभ; अग्गी री इक लपट साई। ये बुराईया रा इक पूरा संसार आ। ये जीभ अहांरे शरीरा रे अंगाँ च इक येढ़ा अंग आ, सै जे सारे शरीरा जो कलंकित करी देईं कने अहांरे सारे जीवना च आग्ग लाई देईं। ये जीभ नरका री अग्गी ते भड़कदी रैईं।”

प्रकाशितवाक्य 19:20

सै पशु कने झूट्ठे भविष्यवक्ते जो सै जे तिसरे सामणे येढ़े नशाण दस्से थे, तिन्हांरे जरिये तिने तिन्हांजो भरमाया, तिन्हां पर जे पशुये री छाप थी, कने सै जे तिसरी मूर्तियां री पूजा कराँ थे। इन्हां दुईं जो जीते जी तिसा अग्गी रिया झीला च, सै जे गन्धका ने जल़ां इ, पाये गये।

प्रकाशितवाक्य 20:15

कने तिस किसी रा नौं जे जीवना रिया कताबा च लिखिरा नीं मिलया, सै अग्गी रिया नदिया च पाया गया।

प्रकाशितवाक्य 22:1

फेरी स्वर्गदूते मिन्जो बिल्लौर साई साफ जीवना रे पाणिये री इक नदी दस्सी, सै जे परमेशर कने मेमने रे संघासणा ते निकल़ीने,