लूका 16:2 - बिलासपुरी नौआं नियम

² इस खातर तिसरे मालके सै सद्दया कने तिस्सो गलाया, ‘हऊँ ये क्या सुणी कराँ भई तू मेरे सारे पैसयां जो पाणिये साई बहाया राँ? येढ़ा तू अपणे भण्डारी हुणे रे नाते मेरे पैसे रा हिसाब दे, काँह्भई तिज्जो हुण माह भण्डारी नीं रखणा।’

लूका 16:2 ပူးပေါင်းရင်းမြစ်များ

मत्ती 12:36

कने हऊँ तुहां लोकां जो दस्सां भई न्याय रे दिन हरेक माहणुये जो अपणिया बोल्ली रिया गल़त गल्ला रा हिसाब-कताब देणे पौणा।

मत्ती 20:8

सांझ हुणे पर बगीचे रे मालके अपणे भण्डारीये जो गलाया, मजदूराँ जो सद्दीने पिछलयां ते लेईने पैहलकयां तक सबनीं जो पैसयां रा भुगतान करी दे।

लूका 12:20

पर परमेशरे तिसजो गलाया, ‘अरे मूर्ख! तूं इसा इ राति मरी जाणा! फेरी ये सारा किछ किसरा हूणा, तिसजो जे तैं कट्ठा कित्तिरा?’

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

लूका 16:1

यीशुये अपणे चेलयां जो ये कहाणी सुणवाई, “इक्की मालके अपणे कारोबारा री देखभाल़ा खातर इक भण्डारीये जो रखया। पर बड़े इ छोड़े तिस पर ये इल्जाम लगीग्या भई सै अपणे मालका रे सारे पैसयां जो डवाणे लगीरा।

लूका 16:3

भण्डारीये अपणे मना च सोचया: हुण मेरा क्या हूणा? मेरी त इथीते छुट्टी हुईगी। कने माह च इतणी ताकत नीं भई हऊँ खड्डे खुणी सक्कूं। कने भिख मंगणे ते मिन्जो शर्म लगणी।

रोमियो 14:12

इस खातर अहां चते हर इक्की जो परमेशरा रे अग्गे अपणा लेखा-जोखा देणे पौणा।

1 कुरिन्थियों 1:11

काँह्भई मेरे साथी विश्वासियो, खलोए रे घराने रे लोकें मिन्जो तुहांरे बारे च दस्सीरा भई तुहें इक्की दूये ने झगड़या राँये।

1 कुरिन्थियों 4:2

हुण भण्डारियां ते ये आशा कित्ती जाईं भई सै बफादार हुणे चाहिन्दे।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

2 कुरिन्थियों 5:10

अहें सारयां धरतिया पर रैईने सै जे किछ भला या बुरा काम्म कित्या, तिसरा फल़ पाणे रे खातर मसीह रे न्याय आसणा रे सामणे जरूर हाजर हुणे पौणा।

1 तिमुथियुस 4:14

सै वरदान्न सै जे भविष्यवाणिया रे दवारा तूह पर प्राचीनां रे हाथ रखदे बगता तिज्जो मिलया था, तिस्सो लगातार तिज्जो इस्तेमाल करना चाहिन्दा।

1 तिमुथियुस 5:24

हऊँ तिज्जो किसी जो जल्दी प्राचीना रे रुपा च चुणने खातर इस खातर नीं बोल्या राँ, काँह्भई किछ लोक खुल्हेआम पाप कराँ ये। सै तिन्हांरा न्याय हुणे ते पैहले इ विश्वासियां रे सामणे साफ तौर पर दोषी ये, पर किछ लोकां रे पाप बाद बिच दिखां ये।

1 पतरस 4:10

जिस किसी जो परमेशरा रिया तरफा ते जो बी बरदान मिलीरा, तिस्सो तिस बरदान्ना रा इस्तेमाल दुज्यां री सेवा रे खातर करना चाहिन्दा। तिस्सो अपणे बरदान्ना जो परमेशरा रे अच्छे सेवका साई ठीक ढंगा ने इस्तेमाल करना चाहिन्दा।

1 पतरस 4:5

पर तिन्हांजो अपणयां कम्मां रा लेखा परमेशरा जो देणे पौणा सै जे जिऊंदा कने मूईरयां लोकां रा न्याय करने जो त्यार आ।

प्रकाशितवाक्य 20:12

कने मैं तिन्हां मूईरयां जो सै जे छोट्टे या बड्डे थे, परमेशरा रे सामणे खढ़िरे देख्या, कने कताबां खोल्ली गईयां; फेरी इक होर कताब खोल्ली गई, यनि जीवना री किताब। मूईरयां रा न्याय तिन्हां कम्मां रे मुतावक हुया तियां जे तिन्हां कताबां च लिख्या हुया था।