लूका 16:13 - बिलासपुरी नौआं नियम

¹³ “कोई बी माहणु दुईं मालकां री सेवा नीं करी सकदा। काँह्भई तुहां इक्की ने नफरत करनी, कने दुज्जे ने प्यार रखणा, या किसी इक्की ने ईमानदार रैहंगे, कने दुज्जे जो ठुकराँगे। तुहें परमेशरा री कने धना री सेवा इक साथ नीं करी सकदे।”

लूका 16:13 ပူးပေါင်းရင်းမြစ်များ

मत्ती 4:10

फेरी यीशुये तिसजो गलाया, “शैतान दूर हुई जा, काँह्भई पवित्रशास्त्रा च लिखिरा: ‘तू प्रभु अपणे परमेशरा री अराधना कर, कने सिर्फ तिसरी इ सेवा टैहल कर।’ ”

मत्ती 6:24

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

लूका 11:23

“सै जे कोई मेरा सहयोगी निआं, सै मेरा बरोधी आ कने सै जे मेरे सौगी कठेरदा निआं सै बखोरने रा काम्म कराँ।

लूका 14:26

“जे कोई मेरा चेला बणीने मेरे पिच्छे औणा चाओ, तां तिस्सो अपणे माता-पिता, जनाना कने बच्चयां, भाई कने बैहणां, कने अपणे प्राणा ते बी जादा माहने प्यार करने पौणा। नैईता, तुहें मेरे चेले नीं बणी सकदे।

लूका 16:12

कने जे तुसें पराई धन दौलता च विश्वास लायक नींये, तां सै जे तुहांरा सै तुहौं किस देणा?

लूका 16:9

हऊँ तुहांजो बोलां भई इस संसारा रिया धन दौलता रा इस्तेमाल करीने दुज्जेयां जो अपणे मित्र बणावा, तिसते जे सांसारिक धन दौलता रे खत्म हुणे पर तुहांरा स्वर्गा च बड़िया खुशिया ने स्वागत हूणा।

लूका 9:50

पर यीशुये गलाया, “तिस्सो मना मत करा; काँह्भई सै जे तुहांरे बरोधा च नींये, सै तुहांरिया तरफा जो ये।”

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।