लूका 15:29 - बिलासपुरी नौआं नियम

²⁹ पर तिने अपणे पिता जो जबाब दित्या, ‘इतणे साल्लां तक हऊँ तुहांरी सेवा करदा रेआ, कने तुहें सै किछ जे मिन्जो करने जो गलाया मैं सै हर इक काम्म कित्या। पर तुहें अज्जा तक मिन्जो मेरे मित्राँ सौगी मौज करने खातर इक बकरिया रा बच्चा तक नीं दित्या।

लूका 15:29 ပူးပေါင်းရင်းမြစ်များ

मत्ती 20:12

सै मजदूर जे बाद बिच लगे थे, तिन्हें सिर्फ इक घण्टा काम्म कित्या पर तुहें अहांजो बी उतणा इ दित्या जितना जे तिन्हांजो दित्या, जबकि अहें सारा दिन कड़कदिया धुप्पा च बौहत मेहणत किति।

लूका 15:28

“येढ़ा सुणीने बड्डा भाई बड़ा भारी गुस्से हुया, कने तिसरिया वजह ने सै घरा रे अन्दर नीं गया। फेरी तिसरा पिता बाहर आईने तिस्सो अन्दर औणे खातर मनाणे लगया,

लूका 15:30

पर तां जे तुहांरा ये मुण्डु अपणा सारा पैसा कंजरियां पर लुटाईने वापस आईरा, तां तुहें सब्बीं ते खरे कने मोटे जे बकरे जो बड्डीने खुशियां मनाई रायें।’

लूका 15:7

हऊँ तुहांजो बोलां; भई इयां इ, इक मन फिराणे औल़े पापिये रे बारे च बी स्वर्गा च आनन्द हूणा, जितना जे भई तुहां साई नड़िनुये लोकां खातर नीं हुन्दी सै जे सोच्चां ये भई अहें धर्मी ये, तिन्हाजो जे बुराईया ते मन फिराणे री जरूरत नीं।”

लूका 17:10

इस तरिके ने, ताहली जे तुहें मेरे हुक्मा रा पालन कराँ ये, तां तुहें येढ़ा बोल्यों, अहें इस लायक नींये भई परमेशर अहांरा धन्यवाद करो, अहें त सिर्फ परमेशरा रे दास ये कने सै जे तिने बोल्या अहें सैई कित्या।

लूका 18:9

फेरी यीशुये तिन्हां किछ लोकां जो, सै जे सोच्चां ये भई अहें धर्मी ये, कने होरसी जो घटिया समझां थे, ये उदाहरण सुणाया:

लूका 19:21

काँह्भई हऊँ तेरते डराँ था। तू इक निर्दयी माहणु आ: कने सै चीज़ जे तेरी नीं, तिसाजो बी तू लेई लेआं, या सै जे तेरा बाहीरा निआं, तिस्सो बी तूं लुणि लेआं।

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

रोमियो 3:20

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

रोमियो 3:27

तां फेरी येढ़ि कोई गल्ल इ तिसरे बारे च जे अहें घमण्ड करी सक्कां ये? किछ बी नींआ! कने इसरी वजह क्या इ? क्या ये इसरी वजह इ भई अहें व्यवस्था रा पालन कराँ ये? नां, पर ये यीशु मसीह पर विश्वास करने रिया बजह नेआ।

रोमियो 7:9

हऊँ बगैर व्यवस्था ते पैहले जिऊंदा था, पर ताहली जे हुक्म आया, तां पाप जिन्दगिया च आया, कने हऊँ मरीग्या।

प्रकाशितवाक्य 2:17

सै जे मेरी गल्ल समझणा चाँह सै ध्यान देईने सुणो, भई परमेशरा रा आत्मा कलीसियां ने क्या बोलणा चांह। सै जे जय पाओ, तिस्सो मांह गुप्त मन्ने चते देणा कने तिस्सो इक सफेद पत्थर बी देणा कने तिस पत्थरा पर इक नौं लिखिरा हूणा, तिसजो जे पाणे औल़े ते इलावा होर कोई नीं जाणी पांगा।”

प्रकाशितवाक्य 3:17

तू बोलां भई हऊँ अमीर आ, कने धन कमाईरा, कने मिन्जो किसी चीज़ा री जरूरत नीं; पर तू नीं जाणदा भई तू अभागा, नीच, गरीब, अन्हा कने नंगा।