लूका 13:34 - बिलासपुरी नौआं नियम

³⁴ “अरे यरूशलेम रे लोको तुहें सै जे अपणे इ भविष्यवक्तयां रा खून कराँ, कने परमेशरा रा सन्देशा लौणे औल़यां जो तू पत्थर माराँ! जिस तरिके ने कुकड़ी अपणे बच्चयां जो अपणे फंगां हेठ ढक्कीने हिफाज़त कराँ इ, मैं बी कितणी बार चाहया भई तिस इ तरिके ने तेरे बच्चयां जो बी कट्ठा करूँ, पर तैं मिन्जो येढ़ा करने नीं दित्या।

लूका 13:34 ပူးပေါင်းရင်းမြစ်များ

मत्ती 22:3

राजे अपणे दास्सां जो भेज्या भई सै तिन्हां लोकां जो सद्दीने ल्याओ तिन्हांजो जे ब्याह री धाम्मा च औणे रा नियून्दा दित्तिरा; पर सै लोक नीं आये।

मत्ती 22:6

कने किछ लोकें त राजे रे सेवका जो पकड़ीने तिसने मार-कुट किति कने जानी ते मारीते।

लूका 15:28

“येढ़ा सुणीने बड्डा भाई बड़ा भारी गुस्से हुया, कने तिसरिया वजह ने सै घरा रे अन्दर नीं गया। फेरी तिसरा पिता बाहर आईने तिस्सो अन्दर औणे खातर मनाणे लगया,

लूका 19:44

तिन्हां यरूशलेम कने नगरा च रैहणे औल़े सारयां लोकां जो पूरे तरिके ने नाश करना, इसा वजह ने तुहांरियां दीवाराँ कने इमारतां नष्ट हुई जाणियां, ये सब इस खातर हूणा काँह्भई ताहली जे परमेशर तुहांजो छुटकारा देणे खातर आया, तां तुहें समझी नीं पाये।”

लूका 23:28

पर यीशुये मुड़ीने तिन्हाने गलाया, “यरूशलेम री औरतो, मेरिया दशा पर मता रोन्दियां; पर तुहांजो कने तुहांरयां बच्चयां ने सै जे हुणे औल़ा तिस पर रोआ।

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

प्रेरितां 7:59

सै स्तिफनुसा पर पत्थर मारदे रै, कने सै येढ़ा बोलीने प्राथना करदा रैया, “हे प्रभु यीशु, मेरी आत्मा जो लईले।”

प्रेरितां 8:1

शाऊल स्तिफनुस रिया हत्या च सहमत था। तिस दिन यरूशलेम नगरा री कलीसिया पर बड़ा सताव शुरु हुआ कने प्रेरितां जो छड्डिने बौहत सारे लोक यहूदिया कने सामरिया प्रदेशां च नट्ठीने बिखरी गे।

प्रकाशितवाक्य 11:8

तिन्हांरियां लाशां तिस बड्डे नगरा री गल़िया च पई रियां रैहणियां, सै जे प्रतीक तौर पर सदोम नगर कने मिस्र देशा साई आ; तित्थी जे तिन्हांरा प्रभु क्रूसा पर चढ़ाया गईरा था।