लूका 13:3 - बिलासपुरी नौआं नियम

³ येढ़ा विल्कुल बी निआं! पर जे तुहें बी बुरे कम्मां जो छड्डिने अपणा मन परमेशरा री तरफा जो नीं फिराँगे, तां तुहां सारयां बी येढ़िया इ मौती मरना तियां जे सै मरे थे।

लूका 13:3 ပူးပေါင်းရင်းမြစ်များ

मत्ती 12:45

फेरी बुरीआत्मा जाईने अप्पूँ ते होर सात्त बुरीआत्मां जो अप्पूँ सौगी ली औईं सै जे तिसाते बी बुरियां हुआं इयां, फेरी सै सब आईने तिस माहणुये च रैहणे लगां इयां, कने तिस माहणुये री हालत पैहले ते बी जादा खस्ती हुई जाईं। इस जुगा रे लोकां री हालत बी येढ़ि हूणी।”

मत्ती 22:7

ताहली जे राजे ये सुणया, तां तिने गुस्से च आईने अपणे सैनिक भेज्जे, तिन्हे तिन्हां खूनियां जो मारीत्या कने तिन्हारे नगरा च आग्ग लाईती।

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

लूका 13:2

ये गल्लां सुणीने यीशुये जबाब दित्या, “क्या तुहें येढ़ा समझां ये भई ये गलीली, बाकी सबनीं गलीलियां ते जादा पापी थे? क्या तांई इस खातर तिन्हां पर येढ़ि आफ़त आई?

लूका 13:4

तुहें तिन्हां ठारा माहणुआं रे बारे च क्या सोचां ये, तिन्हां पर जे शीलोह लाके च पथराँ री बणीरी सबनीं ते ऊच्ची दवाल रुढ़ि कने सै तिसा हेठ दबोईने मरीग्ये; तां क्या सै यरूशलेम च रैहणे औल़यां चा ते जादा पापी थे?

लूका 13:5

नां! पर हऊँ तुहांजो फेरी भीं बोलां भई जे तुहें अपणे पापां ते मन नीं फिराँगे, तां तुहां सारयां बी तियां इ मरना।”

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

प्रेरितां 3:19

इस खातर, मन फिरावा कने वापस आई जावा भई तुहांरे पाप माफ कित्ते जाओ, तिसते जे प्रभुये रे सामणे तसल्लिया ने रमान्ना रे दिन आओ,