लूका 13:25 - बिलासपुरी नौआं नियम

²⁵ ताहली जे घरा रा मालक यनि परमेशर उट्ठीने दरवाजा बन्द करी दो, कने तुहें बाहर खड़ीने दरवाजा खड़काईने विनती करीने बोलणे लगगे, ‘प्रभु जी, अहांरे खातर दरवाज खोल।’ पर तिस तुहांजो जबाब देणा भई, हऊँ तुहांजो नीं जाणदा, तुहें कित्तिते आईरे?

लूका 13:25 ပူးပေါင်းရင်းမြစ်များ

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।

लूका 13:27

पर तिस बोलणा, हऊँ तुहांजो बोलां, ‘हऊँ तुहांजो नीं जाणदा तुहें किति रे। ओ कुकर्म करने औल़यो, तुहें सब मेरते दूर हुई जावा।’

लूका 3:8

जे तू तिसा सजा ते बचणा चांह तां अपणिया जिन्दगिया च ये साबित कर भई तैं अपणयां पापां ते मन फिराया कने परमेशरा खौ मुड़ीरा। कने अपणे-अपणे मना च ये नीं सोच्चा भई अब्राहम अहांरा पूर्वज आ; ताकि परमेशरा अहांजो सजा नीं देणी, पर हऊँ तुहांजो बोलां भई ‘परमेशर अब्राहमा रे खातर इन्हां पत्थराँ ते बी बच्चा पैदा करी सक्कां!’

लूका 6:46

“तां जे तुहें मेरा बोल इ नीं मनदे, तां काँह मिन्जो; ‘हे प्रभु, हे प्रभु,’ बोल्लां ये?

2 कुरिन्थियों 6:2

काँह्भई पवित्रशास्त्रा च परमेशर बोलां, “मैं ठीक वगता पर तेरी सुणी ली कने हऊँ छुटकारे रे दिन तिज्जो सहारा देणे आया।” देक्खा। “सही वगत” येई हाया। देक्खा। “छुटकारे रा दिन येई हाया।”

इब्रानियों 12:17

तुहें त जाणाँ ये भई बाद बिच ताहली जे तिने पिता री आशीष पाणी चाई, तां तिस्सो नीं मिली, हलाँकि सै रोया तियां जे अपणियां गल़तियां जो सुधारने रे खातर इक मौका पाणे री कोशिश करया राँ था फेरी बी तिस्सो सै आशीष नीं मिली।