लूका 13:19 - बिलासपुरी नौआं नियम

¹⁹ परमेशरा रा राज बगीचे च बाईरे राईया रे इक दाणे रे बराबर आ; सै बधीने डाल़ बणी जां, कने अम्बरा रे पंछी आईने तिसरियां डाल़ियां पर रैहणे लगां यें।”

लूका 13:19 ပူးပေါင်းရင်းမြစ်များ

मत्ती 17:20

यीशुये तिन्हांजो दस्या, “काँह्भई तुहां च विश्वासा री कमी, हऊँ तुहांजो सच्च बोलां, जे तुहां च राईया रे दाणे जितना बी विश्वास हुन्दा, तां तुहें इस पहाड़ा ने बोल्ली सक्कां ये, येत्थीते हटिने ओतखा चली जा, कने तिस चली जाणा; तुहें किछ बी करी सक्कां ये।

मरकुस 4:30

फेरी यीशुये गलाया, “अहें परमेशरा रे राज्जा री बराबरी इस तरिके ने करी सक्कां ए। हऊँ तुहांजो इक उदाहरण दस्सां।

लूका 17:6

यीशुये जबाब दित्या, “अगर तुहांरा विश्वास राईया रे दाणे जितना बी हुन्दा, तां तुहें इस तूत्ता रे डाल़ा जो बोलदे, तू जड़ां ते पटोईने समुद्रा च लगी जा, तां सै बी तुहांरा हुक्म मन्नी लेंदा!”

प्रेरितां 2:41

इस खातर तिन्हें लोकें जे पतरसा रा वचन सुणीने ग्रहण कित्या तिने बपतिस्मा लेआ; कने तिस दिन लगभग तिन्न हज़ार माहणु विश्वासियां रे समूहा च शामिल हुईगे।

प्रेरितां 21:20

तिन्हें ये सुणीने परमेशरा री महिमा कित्ती, फेरी तिसने गलाया, “भाई तू जाणाँ भई यहूदी लोकां चते कई हजारें विश्वास कित्या; कने सब मूसा रिया व्यवस्था जो मनणे खातर जोशा ने भरीरे।

प्रेरितां 4:4

पर वचना रे सुणने औल़यां चते बौहतीं यीशुये पर विश्वास कित्या, कने तिन्हांरी गिणती तकरीवन पांज्ज हज़ार माहणुआं च हुईगी।

रोमियो 15:19

कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।

प्रकाशितवाक्य 11:15

ताहली जे सतवें स्वर्गदूते अपणी तुरही बजाई, तां स्वर्गा च बड़ियां आवाज़ां हुणे लगियां; “संसारा रा राज अहांरे प्रभुये रा कने तिसरे मसीह रा बणीग्या कने तिस युग-युग राज करना।”