लूका 13:14 - बिलासपुरी नौआं नियम

¹⁴ इस खातर तिस यहूदी सभा घरा रा सरदार यीशुये जो गुस्से हुईग्या भई यीशुये विस्रामा रे दिन तिसा जनाना जो रोगा ते ठीक कित्या था, सै लोकां जो गलाणे लग्या, “हफते च तुहांजो काम्म करने खातर छे दिन दितिरे, तां इन्हां इ दिनां च ठीक हुणे खातर आई करा, पर विस्राम रे दिन नीं।”

लूका 13:14 ပူးပေါင်းရင်းမြစ်များ

मत्ती 12:2

फरीसिये येढ़ा देखीने तिसने गलाया, “देख, तेरे चेले येढ़ा काम्म करी रायें, सै जे विस्राम रे दिन करना ठीक निआं।”

मरकुस 5:22

कने याईर नौआं रा इक माहणु आया सै जे यहूदी सभा घरा रे सरदाराँ चते था, सै तिस्सो आदर देणे खातर तिसरे पैराँ इ पैईग्या,

लूका 6:11

पर सै गुस्से च लाल पीले हुईगे कने इक दुज्जे जो गलाणे लगे भई अहें इस माहणुये जो कियां मारीये?

लूका 6:7

शास्त्री कने फरीसी तिस पर दोष लगाणे रा मौका पाणे खातर नजर रक्खीरे हुये थे, भई देक्खां ये भई सै विस्राम रे दिन चंगा कराँ कि नीं।

लूका 8:41

इतणे च याईर नौआं रा इक माहणु आया, सै जे यहूदी सभा घरा रा मुखिया था, सै आया कने आईने यीशुये रे पैराँ पैईया, कने तिन्हाते विनती करने लगया भई मेरे घरा जो चल,

प्रेरितां 13:15

मूसा री व्यवस्था कने भविष्यवक्तयां री कताब पढ़ने ते बाद यहूदी सभा घरा रे सरदारे तिन्हांजो गलाया, “हे भाईयो, जे तुहांरे मना च लोकां जो उपदेश देणे री कोई गल्ल इ तां बोल्ला।”

प्रेरितां 18:17

तां बौहत सारे लोकें यहूदी सभा घरा रे सरदार सोस्थिनेसा जो पकड़ीने न्याय आसणा रे सामणे मारया गया। पर गल्लियो इन्हां गल्लां री किछ बी चिन्ता नीं किति।

प्रेरितां 18:8

तां यहूदी सभा घरा रे सरदारे क्रिस्पुस अपणे सारे घराने समेत प्रभुये परा विश्वास कित्या। कने मते सारे कुरिन्थ वासियें सुणी ने विश्वास कित्या कने बपतिस्मा लेया।

रोमियो 10:2

काँह्भई हऊँ जाणाँ भई तिन्हां च परमेशरा रे प्रति उत्साह हया, पर तिन्हांरा ये उत्साह सच्चे ज्ञाना रे मुतावक नींआ।