लूका 12:56 - बिलासपुरी नौआं नियम

⁵⁶ कपटियो, तुहें धरतिया कने अम्बरा रे रंग रुपा च फर्क देक्खी सक्कां ये, पर इस जुगा च परमेशर क्या करया रां इसरा बखान करना नीं जाणदे?

लूका 12:56 ပူးပေါင်းရင်းမြစ်များ

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

मत्ती 16:3

कने सूरज उगणे पर तुहें बोलां ये, ‘आज तूफान औणा, काँह्भई अकाश धुंधला कने लाल आ।’ तुहें अम्बरा रे लक्षणां जो पढ़ना जाणाँ ये, पर अपणे बगता रे लक्षणां जो नीं पढ़ी सकदे।

मत्ती 6:2

“इस खातर खबरदार ताहली जे तुहें किसी गरीबा जो दान दें, तां इसरा किसी माहणुये जो पता नीं चलो, तियां जे यहूदी सभा घरा च, कने गलियां च कपटी लोक होरीं ते प्रशंसा पाणे रे खातर कराँ ये। हऊँ तुहांजो सच्च बोलां भई तिन्हांजो लोकां ते इसरा पूरा ईनाम प्रशंसा ही मिलया।

गलातियां 4:4

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ।