लूका 12:4 - बिलासपुरी नौआं नियम

⁴ “प्यारे मित्रो, तिन्हाते मता डरदे सै जे तुहांजो जान्नी ते मारना चाँये, सै सिर्फ तुहांरे जिस्मा जोई मारी सक्कां ये; इसते जादा दुख नीं देई सकदे।

लूका 12:4 ပူးပေါင်းရင်းမြစ်များ

मत्ती 10:28

तिन्हां लोकां ते मता डरदे सै जे तुहांरे शरीरा जो खत्म करी सक्कां ये, पर तुहांरिया आत्मा जो नीं मारी सकदे, बस तिस परमेशरा ते डरा सै जे तुहांरे शरीरा जो कने तुहांरिया आत्मा जो नरका च पाईने खत्म करी सक्कां।

यूहन्ना 15:13

बडे ते बडा प्यार येआ भई कोई माहणु अपणे दोस्तां खातर अपणी जान बी दई दो, येढ़ा प्यार करना किसी बी माहणुये रे बशा रा काम्म निआं।

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

प्रेरितां 4:13

ताहली जे तिन्हें पतरस कने यूहन्ना रा हौंसला देख्या, तां सै तिन्हांजो अनपढ़ कने सिधे-साधे माहणु समझीने हैरान हुये; फेरी तिन्हें पछयाणया भई ये यीशुये सौगी रईरे।

फिलिप्पियां 1:28

तुहें किसी गल्ला च विरोधियां ते मत डरा, काँह्भई येढ़ा करने ते तुहां तिन्हांजो साबित करना भई परमेशरा तिन्हांरा नाश करना कने तुहांजो बचाणा। ये सब परमेशर कराँ।

याकूब 2:23

इस खातर तियां जे पवित्रशास्त्रा च लिखिरा, तियां इ हुया, “अब्राहमे परमेशरा पर विश्वास कित्या, कने तिसरे विश्वासा रिया वजह ने परमेशरे अब्राहम जो धर्मिये रे रुपा च ग्रहण कित्या, कने सै परमेशरा रा मित्र कहलाया।

1 पतरस 3:14

पर जे तुहें सही काम्म करने पर दुख सैयां ये, तां तुहांजो परमेशरा आशीष देणी, तियां जे यशायाह भविष्यवक्ते लिखिरा तियां करा, “तिन्हांरे डराणे ते मत डरा कने नां घबरावा।”

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।