लूका 12:17 - बिलासपुरी नौआं नियम

¹⁷ तिने अपणे मना च सोच्चया, ‘हऊँ नीं जाणदा भई हऊँ क्या करूँ, काँह्भई इतणा अनाज रखणे खातर मेरे भण्डारा च काफी जगह नीं?’

लूका 12:17 ပူးပေါင်းရင်းမြစ်များ

मत्ती 16:7

सै अप्पूँ चियें बचार करदे हुये गलाणे लगे, “हुई सक्कां तिने ये इस खातर बोल्या काँह्भई अहें रोटी सौगी नीं ल्याये।”

मत्ती 5:42

सै जे तेरते कोई चीज मंगां, तिस्सो देई दे; कने सै जे उधार लेणे खातर विनती कराँ, तिसजो मना नीं कर।”

लूका 10:25

इक दिन ताहली जे यीशु लोकां जो सखाया राँ था, तां इक व्यवस्थापक उट्ठया; कने ये बोल्लीने तिसजो परखणे लगया, “गुरू जी, अनन्त जीवना रा बारस होणे रे खातर हऊँ क्या करूँ?”

लूका 11:41

अपणिया अन्तरात्मा जो परमेशरा ने जोड़ा, बजाये इसरे भई तुहें बाहरा री सफाई करो।

लूका 12:16

यीशुये ये उदाहरण सुणाया, “इक अमीर माहणुये री धरतिया पर बौहत भारी फसल पज्जी।

लूका 12:18

तिने गलाया, हाँ, ‘मांह ये काम्म करना! मांह अनाजा रे इन्हां भण्डाराँ जो तोड़ीने बड्डे भण्डार बणांगा तांई मेरले सारा अनाज कने सारिया सम्पत्तिया जो रखणे खातर काफी जगह हूणी।

लूका 12:22

फेरी तिने अपणे चेलयां ने बोल्या, “इस खातर हऊँ तुहांजो बोलां, भई अपणे प्राणा रे खातर ये फिक्र नीं करयां भई अहें क्या खांगे, कने शरीरा रे खातर भई क्या पैहन्गे।

लूका 12:29

कने खाणे री फिक्र नीं करा भई क्या खांगे या क्या पींगे, कने न सन्देह करा।

लूका 12:33

अपणी संपत्ति बेच्चीने गरीबां च बंडी दे; कने अपणे खातर येढ़े बटुये बणावा, सै जे पुराणे नीं हुन्दे, यनिके स्वर्गा च येढ़ा धन कट्ठा करा सै जे घटदा नींआ कने तिसरे नेड़े चोर नीं जान्दा, कने कीड़ा नीं बगाड़दा।

लूका 16:3

भण्डारीये अपणे मना च सोचया: हुण मेरा क्या हूणा? मेरी त इथीते छुट्टी हुईगी। कने माह च इतणी ताकत नीं भई हऊँ खड्डे खुणी सक्कूं। कने भिख मंगणे ते मिन्जो शर्म लगणी।

लूका 16:9

हऊँ तुहांजो बोलां भई इस संसारा रिया धन दौलता रा इस्तेमाल करीने दुज्जेयां जो अपणे मित्र बणावा, तिसते जे सांसारिक धन दौलता रे खत्म हुणे पर तुहांरा स्वर्गा च बड़िया खुशिया ने स्वागत हूणा।

लूका 18:22

यीशुये तिसने गलाया, “इक काम्म तैं हूणा तक नीं कित्या, तेरले जितणी बी धन दौलत इ तू तिसाजो बेच्चीने सारा पैसा गरीबां च बंडी दे, कने मेरा चेला बणी जा, तां तिज्जो स्वर्गा च धन मिलणा।”

लूका 19:17

राजे तिस्सो गलाया, शाबाश, मेरे सच्चे पक्के सेबक, तैं बौहत बधिया काम्म कित्या! तू इक विश्वास लायक सेबक आ। मैं तिज्जो सै जे थोड़ा जेआ दित्तिरा था, तिसच तू विश्वासी निकल़या। हुण तिज्जो ईनामा च दस्सां नगराँ रा अधिकारी बणाया जां।

लूका 3:11

यूहन्ने तिन्हाजो जवाब दित्या, “जे तुहांले दो कुरते ओ, तां तिन्हां चते इक कुरता तिसले जे निआं तिस ज़रुरतमन्द माहणुये जो देई दो, कने जे तुहांले रोटी ओ, तां तिसाजो तिन्हां सौगी बन्डी लो सै जे भुक्खे ओ।”

प्रेरितां 16:30

कने तिन्हांजो बाहर ल्याईने गलाया, “हे सज्जनो, छुटकारा पाणे खातर हऊँ क्या करूँ?”

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

रोमियो 12:13

परमेशरा रे लोकां री जरूरतां च मदद करा; मैहमान्नां रे आदर सत्कारा खातर हर वगत त्यार रौआ।

1 तिमुथियुस 6:17

इस संसारा रे अमीर लोकां जो हुक्म देओ भई सै घमण्डी नीं हो कने सै धना पर आशा नीं रखो सै जे किछ वगता रे खातर आ, पर सै परमेशरा पर आशा रखो सै जे अहांरे सुखा खातर सब किछ ईमानदारिया ने अहांजो देआं।

1 यूहन्ना 3:16

यीशु मसीह अहांरे खातर अपणिया जिन्दगिया रा त्याग करित्या; इसते अहें जाणाँ ये भई प्यार क्या; इस खातर अहांजो बी अपणे साथी विश्वासियां रे खातर अपणे प्राणां रा त्याग करना चाहिन्दा।