लूका 12:11 - बिलासपुरी नौआं नियम

¹¹ “ताहली जे लोक तुहांजो यहूदी सभा घराँ च, राजयां कने राजपालां रे सामणे तुहां पर मुकद्दमा चलाणे खातर लेई जो, तां इसा गल्ला री चिन्ता नीं करयों भई अपणे बचावा खातर क्या जवाब देईये।

लूका 12:11 ပူးပေါင်းရင်းမြစ်များ

मत्ती 23:34

इस खातर देक्खा, हऊँ तुहांले भविष्यवक्तयां कने बुद्धिमानां कने शास्त्रियां जो भेज्जां; कने तुहें तिन्हां चते किछ जो मारी देणा, कने किछ लोक क्रूसा पर चढ़ाणे कने किछ जो अपणे यहूदी सभा घराँ च कोड़े मारने कने इक्की नगरा ते दुज्जे नगरा च खदेड़दे फिरगे।

मत्ती 6:25

इस खातर हऊँ तुहांजो बोलां, भई अपणे जीवना रे खातर ये फिक्र नीं करयां भई अहें क्या खांगे कने क्या पींगे, कने शरीरा रे खातर भई क्या पैन्हगे, क्या जिन्दगी रोटिया ते, कने शरीर कपड़यां ते बधीने निआं?

मत्ती 6:27

तुहां चाते क्या कोई येढ़ा हाया सै जे चिन्ता करीने अपणियां जिन्दगिया च इक मिनट बी होर बधाई सक्कां?”

मत्ती 6:28

“कने कपड़यां रे खातर फिक्र कजो कराँ ये? जंगली फुलां पर बचार करा, भई सै कियां बधां यें, सै न मेहणत कराँ ये, न कपड़े बुणां ये;

मत्ती 6:31

“इस खातर तुहें चिन्ता करीने ये नीं बोलणा, भई ‘अहें क्या खांगे, या क्या पींगे, या क्या पैहनगे?’

मत्ती 6:34

इस खातर कल की चिन्ता मता करदे, काँह्भई कल की त अहां रियां होर चिन्ता हुणियां; आज्ज के दिना खातर अजकी परेशानियां इ बौहत इयां।”

लूका 12:22

फेरी तिने अपणे चेलयां ने बोल्या, “इस खातर हऊँ तुहांजो बोलां, भई अपणे प्राणा रे खातर ये फिक्र नीं करयां भई अहें क्या खांगे, कने शरीरा रे खातर भई क्या पैहन्गे।