लूका 12:1 - बिलासपुरी नौआं नियम

¹ इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

लूका 12:1 ပူးပေါင်းရင်းမြစ်များ

लूका 11:44

“तुहांजो बौहत भयानक सजा मिलणी! काँह्भई तुहें खेतां च दबोईरी तिन्हां कब्राँ साई ये, तिन्हां पर जे लोक अनजाणे च चलां ये कने नीं जाणदे भई तिन्हां कब्राँ च कितणी सड़ी रियां चिज़ां इयां।”

लूका 12:56

कपटियो, तुहें धरतिया कने अम्बरा रे रंग रुपा च फर्क देक्खी सक्कां ये, पर इस जुगा च परमेशर क्या करया रां इसरा बखान करना नीं जाणदे?

लूका 5:1

इक बगत ताहली जे भई लोकां रा दंगल यीशुये जो चऊँ पासयां ते घेरी ने परमेशरा रा बचना सुणीराँ था, कने सै गन्नेसरत नदिया रे कण्डे खढ़िरा था।

लूका 5:15

पर प्रभु यीशुये रे नीं चाहणे रे बाबजूद, तिन्हारे हैरान करने औल़े कम्मां री गल्लां बड़े छोड़े फैल्ली, कने दंगला रे दंगल तिन्हाजो सुणने रे खातर कने अपणी बमारियां ते ठीक हुणे खातर औन्दे गये।

लूका 6:17

यीशु अपणयां चेलयां सौगी पहाड़ा परा ते उतरी ने खुल्लिया जगह च खड़ीग्या, कने तिसरे चेलयां री बड्डी भीड़, कने सारे यहूदिया, कने यरूशलेम, कने सूर कने सैदा रे समुद्रा रे कण्डे ते मते सारे लोक तिसरे पिच्छे आईगे।

प्रेरितां 21:20

तिन्हें ये सुणीने परमेशरा री महिमा कित्ती, फेरी तिसने गलाया, “भाई तू जाणाँ भई यहूदी लोकां चते कई हजारें विश्वास कित्या; कने सब मूसा रिया व्यवस्था जो मनणे खातर जोशा ने भरीरे।

1 कुरिन्थियों 15:3

इस वजह ते मैं तुहांजो बौहत खास सन्देश दस्या, सै जे मिन्जो मिलया। सै सन्देश येआ: पवित्रशास्त्रा रे मुतावक यीशु मसीह अहांरे पापां रे खातर मरया,

इब्रानियों 12:22

पर तुहें सिय्योन रे पहाड़ा पर आईगे सै जे जिऊंदा परमेशरा रा स्वर्गीय यरूशलेम नगर आ कने तित्थी अनगिणत स्वर्गदूत खुशिया रा त्योहार मनायें।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

1 पतरस 2:1

इस खातर हरेक बुराईया ते दूर रौआ। दुज्यां जो धोखा मत देआ कने कपटी मत बणा, जल़ण करने औल़े मत बणा कने किसी री बेईज्जति मत करा,