लूका 11:9 - बिलासपुरी नौआं नियम

⁹ कने हऊँ तुहांजो बोलां, भई सै जे तुहांरियां जरूरतां इयां, परमेशरा ते मंगा कने तिसजो पाणे री आशा रक्खा; खटखटाणा जारी रखा कने दरवाजा खोल्या जाणा।

लूका 11:9 ပူးပေါင်းရင်းမြစ်များ

मत्ती 21:22

कने जो किछ तुहें प्राथना च विश्वासा ने मंगगे, सै सब तुहांजो मिलणा।”

मत्ती 21:31

दस्सा इन्हां दुईं चते किने पिता री इच्छा पूरी किति?” तिन्हे गलाया, “बड्डे।” यीशुये तिन्हाने गलाया, “हऊँ तुहांजो सच्च बोलां भई कर बसूलणे औल़े कने वेश्यां परमेशरा रे राज्जा च तुहांते पैहले जाणा।

मत्ती 6:29

तां बी हऊँ तुहांजो बोलां, भई राजा सुलैमान बी अपणे सारे राज-पाठा च, तिन्हां चते किसी इक्की फूल्ला साई सुन्दर कपड़े नीं पैहनी सक्कया।

मरकुस 11:24

इस खातर तुहांजो बोलां भई जो किछ तुहें प्राथना च मंग्गो, तां विश्वास करीलो भई तुहौं सै मिलीग्या, कने तुहां खातर हुई जाणा।

मरकुस 13:37

कने सै जे हऊँ तुहांजो बोलां, सैई सब्बीं ने बोलां : ‘सदा त्यार रौआ!’”

लूका 11:10

काँह्भई सै जे कोई मंगां, तिस्सो मिलां; कने सै जे टोल़ां, सै पां; कने सै जे खड़कां, तिसरे खातर खोल्या जाणा।

यूहन्ना 14:13

जो किछ तुहां मेरे नौआं ते मेरते मंगणा सै माह करी देणा, ताकि पुत्रा रे जरिये पिता री महिमा हो।

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

यूहन्ना 15:7

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

2 कुरिन्थियों 6:2

काँह्भई पवित्रशास्त्रा च परमेशर बोलां, “मैं ठीक वगता पर तेरी सुणी ली कने हऊँ छुटकारे रे दिन तिज्जो सहारा देणे आया।” देक्खा। “सही वगत” येई हाया। देक्खा। “छुटकारे रा दिन येई हाया।”

इब्रानियों 11:6

कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

इब्रानियों 4:16

इस खातर औआ, अहें हौंसले सौगी परमेशरा रे सामणे चलिये सै जे लोकां पर अनुग्रह कराँ। फेरी अहां पर परमेशरा दया कने अनुग्रह करना कने अहांरी जरूरतां रे वगत तिस अहांरी मदद करनी।

याकूब 1:5

पर जे तुहां चते किसी च बुद्धिया री कमी हो, तां सै परमेशरा ते प्राथना करो, तिस्सो सै मिलणी; काँह्भई सै सारयां जो खुशी-खुशी पूरे दिला ते देआं।

याकूब 5:15

विश्वासा ने कित्तिरी तिन्हां रिया प्राथना ते बीमार ठीक हुई जाणे, कने प्रभुये तिसजो खड़ा करना कने जे तिने गुनाह बी कित्तिरे ओ, परमेशरा तिसरे पाप माफ करने।

1 यूहन्ना 3:22

कने सै किछ जे अहें परमेशरा ते मंगां ये, सै अहांजो तिसते मिलां; काँह्भई अहें तिसरे हुक्मां जो मन्नां यें, कने सै जे किछ तिस्सो ठीक लगां अहें सैई कराँ ये।

प्रकाशितवाक्य 2:24

पर तुहां थुआतीरा नगरा रे बाकी लोकां ने, जितने जे तिसरिया शिक्षां जो नीं मनदे कने तिन्हां गल्लां जो तिन्हौं जे शैतान्ना रियां गैहरियां गल्लां बोलां ये नीं जाणदे, हऊँ ये बोलां भई मांह तुहां पर होर बोझ नीं पाणा।