लूका 11:54 - बिलासपुरी नौआं नियम

⁵⁴ कने इसा कोशिशा च लगीरे रै, भई तिन्हारे मुँआं ते येढ़ि गल्लां निकल़वायें तिन्हाजो जे तिन्हां रेई बरुध इस्तेमाल करीने फसाई सक्को।

लूका 11:54 ပူးပေါင်းရင်းမြစ်များ

मत्ती 22:15

फेरी फरीसियें जाईने इक सभा किति, तिसा च तिन्हे ये विचार कित्या भई कियां यीशुये जो तिसरिया गलाई रियां गल्लां च फसाई सक्कां ये।

मत्ती 22:18

यीशु तिन्हारे बुरे इरादे जाणीने गलाया, “कपटियो, तुहें मिन्जो कजो परखणा चाँये?

मत्ती 22:35

तिन्हां चते इक व्यवस्थापके तिस्सो परखणे खातर तिसते पुच्छया,

मरकुस 12:13

फेरी यहूदी अगबेयां यीशुये जो गल्लां च फसाणे खातर किछ फरीसी अगुवेयां कने राजा हेरोद रे समर्थकां जो तिसले भेज्या।

मरकुस 3:2

तिन्हां चते किछ फरीसी यीशुये पर दोष लगाणे रे खातर कोई इक वजह टोल़ीरां थे, इस खातर सै तिस्सो ध्यान्ना ने देखणे लगे भई सै विस्राम रे दिन तिस्सो ठीक करगा कि नीं।

लूका 11:53

यीशु जिस बगत अपणी गल्ल बोल्ली बैट्ठे, तां फरीसी कने शास्त्री, तिन्हां रिया इसा गल्ला पर बड़ा नराज हुये। तिस इ घड़ी तिन्हे यीशुये ते मते सारे स्वाल पुछे,

लूका 20:20

सै सही मौके रिया तलाशा च थे, इस खातर तिन्हे अगुवेयां किछ जासूसां जो धर्मी माहणुआं रे भेषा च भेज्या भई यीशुये री कोई येढ़ि गल्ल पकड़ा तिसरी शिकायत जे अहें अधिकारियां ने करी सक्को ताकि सै तिसजो गिरफ्तार करी लो।

लूका 20:26

सै लोकां रे सामणे इसा गल्ला च तिस्सो पकड़ी नीं सक्के, पर सै जासूस यीशुये रे जबाबां ते हैरान रेईने, चुप हुईगे।

प्रेरितां 23:21

पर तिन्हांरी देखां सुणदा काँह्भई तिन्हां चते चाल़ी माहणु पौलुसा जो मारने खातर त्यार बैठिरे, तिन्हें ये कसम खाद्दीरी भई तदुआं तका जे तिन्हां पौलुसा जो मारी नीं देणा तदुआं तका नां किछ खाणा नां पीणा। कने हुण सै त्यार ये कने तेरे बायदे रा इन्तजार करया रायें।”