लूका 11:51 - बिलासपुरी नौआं नियम

⁵¹ हाबिल रिया मौती ते लेईने जकर्याह री मौती तक, तिन्हारा खून जे परमेशरा जो अर्पण करने री बेदी कने परमेशरा रे मन्दरा रे बिच हुया, इन्हां सब्बीं रे खातर इसा पीढ़ियां रे लोकां जोई इसरा लेखा-जोखा देणे पौणा।

लूका 11:51 ပူးပေါင်းရင်းမြစ်များ

मत्ती 23:35

जिसते धर्मी हाबिल ते लेईने बरिक्याह रे पुत्रा जकर्याह तक, तिस्सो जे तुहें परमेशरा रे मन्दरा कने बेदिया रे बिच मारीत्या था, जितणयां धर्मी लोकां रा खून धरतिया पर बगाईरा, तिन्हां रिया हत्या रे दोषी तुहें हुणे।

इब्रानियों 11:4

विश्वासा तेई आदम रे बेटे हाबिले कैना ते उत्तम बलिदान परमेशरा खातर चढ़ाया, कने विश्वासा रेई जरिये हाबिल जो परमेशरे धर्मी माहणुये रे रुपा च ग्रहण कित्या, काँह्भई परमेशर तिसरियां भेन्टां ते खुश हुया था; कने हलाँकि हाबिल मरी चुक्कीरा फेरी भीं विश्वास केढ़ा हूणा चाहिन्दा सै इस बारे च अहांजो सखां।

इब्रानियों 12:24

तुहें यीशुये ले आई चुक्कीरे सै जे परमेशर कने लोकां रे बिच्चा रा नईया वाचा रा बिचौल़िया, कने छिड़कावा रे तिस लहूये रे नेड़े आईगरे सै जे हाबिल रे लहूये ते बड्डे वायदे कराँ।

1 यूहन्ना 3:12

कने आदम रे पुत्र कैना साई नीं बणा, सै जे शैतान्ना ते था, कने तिने जे अपणे भाईये री हत्या कित्ती; कने तिने अपणे भाईये जो किसा वजह ने मारया? तिसरी ये वजह थी भई तिसरे काम्म बुरे थे, कने तिसरे भाईये रे काम्म भलाईया रे थे।