लूका 11:36 - बिलासपुरी नौआं नियम

³⁶ जे तू अपणी पूरी जिन्दगी परमेशरा रिया सच्चाई रे मुतावक जीआं, तां तू हरेक चीज़ा जो सही ढंगा ने जाणने रे लायक हुई जाणा भई परमेशर तूते क्या चाँह; ये तिस इक्की कमरे साई हूणा तिसच जे दिऊए री तेज रोशनी चमकयां राईं, सै जे तुहांजो हर चीज़ साफ देखणे लायक बणांई।”

लूका 11:36 ပူးပေါင်းရင်းမြစ်များ

मत्ती 13:52

यीशुये तिन्हांने गलाया, “देक्खा, इस खातर हरेक यहूदी शास्त्री सै जे परमेशरा रे राज्जा रा चेला बणीरा, इक येढ़े घरा रे मुखिये साई आ, सै जे अपणे भण्डारा ते नौंईयां कने पुराणियां चिज़ां जो बाहर कड्डां।”

मत्ती 5:15

लोक दिऊआ बाल़ीने किसी टोकरे हेठ नीं पर ऊच्चिया ठारी रखां ये, ताकि तिसते घरा रे सारयां लोकां जो लोय हुईजो।

लूका 11:35

इस खातर सावधान रैयां, भई सै उजाला जे तू चा सै अन्धेरा नीं हुईजो।

लूका 11:37

जिस बगत यीशु गलाई कराँ था, फेरी किसी फरीसिये तिन्हांजो अपणे घरें रोटी खाणे खातर नियून्दा दित्या। सै तिन्हांरे घरें गया कने तिन्हां सौगी रोटी खाणे बैट्ठया।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

इब्रानियों 5:14

पर रोटी तिन्हां लोकां रे खातर इ सै जे विश्वासा च परिपक्व ये, कने सै जे अनुभवा रे जरिये सही कने गल़ता च फर्क करना जाणाँ ये।

याकूब 1:25

पर सै जे परमेशरा रिया तिसा उत्तम व्यवस्था जो नेड़े ते देखां, तिसते जे अजादी मिलां इ कने तिसरा इ पालन बी करदा रैयां कने सुणीने तिस्सो बिणा भुल्ले अपणे व्यवहारा च उतारदा रैआं, सैई अपणयां कम्मां रे खातर आशीषित हूणा।”

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।