लूका 11:34 - बिलासपुरी नौआं नियम

³⁴ तेरियां आक्खीं तेरे जीवना रे दिऊये साई आ, इस खातर तांजे तेरी आँख साफ देक्खी सक्कां, तां तेरा सारा जीवन बी उजियाला; पर जे तेरी नजर ठीक नीं, तां तेरा सारा जीवन बी अन्धेरे ने भरोईरा।

लूका 11:34 ပူးပေါင်းရင်းမြစ်များ

मरकुस 4:12

तियां जे पवित्रशास्त्र बोलां, “‘तिन्हां मेरे काम्म देखीने सिखणा निआं, कने मेरी गल्ल सुणीने समझणा नींआ; जे सै समझी जाओ, तां तिन्हां अपणे कित्तिरे पापां ते पश्चाताप करना कने पाप नीं करने रा फैसला करना, कने परमेशर तिन्हांजो माफ करी सक्कां।’”

मरकुस 7:22

लोभ, दुष्टता, छल, लुचपन, बुरी नज़र, निंध्या, घमण्ड, कने मूर्खता निकलां इ।

मरकुस 8:18

तुहांले आक्खीं त हईयां पर तुहें तिसजो जे देक्खां ये तिस्सो समझदे नींये, तुहांले कान्न त हये पर तुहें सै जे सुणां ये तिस्सो नीं समझदे; तुहांजो याद रखणा चाहिन्दा।

लूका 11:35

इस खातर सावधान रैयां, भई सै उजाला जे तू चा सै अन्धेरा नीं हुईजो।

प्रेरितां 13:11

हुण देख, प्रभु परमेशरा तिज्जो सजा देणी; कने तू किछ बगता तका अन्हे रैहणा कने सूरजा जो नीं देखणा।” तां ताहलूं इ तिसरियां आक्खीं धुंधलि़यां कने फेरी नेहरियां हुई गियां, कने सै हत्था ने उरे-परे टोहणे लगीग्या भई कोई तिसरा हाथ पकड़ीने तिस्सो चलाणे च मदद करे।

प्रेरितां 2:46

पैहलके दिनां च सारे विश्वासी लोक हर रोज़ इक मन हुईने मन्दरा च कट्ठे हुआं थे, कने घरा-घरा रोटी तोड़दे हुये खुशिया ने कने साफ मना ने रोटी खां थे,

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

2 कुरिन्थियों 11:3

पर हऊँ डराँ भई तियां जे शैताने सर्पा रे रुपा च अपणिया चतुराईया ने हव्वा जो बैहकाया था, तियां इ किति तुहांरे मना जो मसीह रे प्रति तुहांरिया ईमानदारिया कने पवित्रता जो दूर नीं करी दो।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

इफिसियां 6:5

अरे सेबको, तुहौं मना रिया सच्चाईया ने आदर कने डरा ने अपणे संसारिक मालकां रे हुक्मां रा पालन इस तरिके ने करा, तियां जे तुहें मसीह रा कराँ ये।

कुलुस्सियां 3:22

सेबको, अपणे-अपणे संसारिक स्वामियां री सारी गल्लां रा पालन करा, सिर्फ लोकां जो खुश करने रे खातर तिस इ बगत नीं ताहली जे सै देक्खी रायें, बल्कि सच्चे मना ने तिसरी मन्ना, काँह्भई तुहें प्रभुरा आदर कराँ ये।