लूका 11:29 - बिलासपुरी नौआं नियम

²⁹ ताहली जे जादा भीड़ कट्ठी हुन्दी जां थी तां यीशु बोलणे लगया, “इस जुगा रे दुष्ट लोक बुरे; सै नशाण मंगा यें, पर योना रे नशाणा जो छड्डिने कोई होर नशाण तिन्हांजो नीं दित्या जाणा।

लूका 11:29 ပူးပေါင်းရင်းမြစ်များ

मत्ती 3:7

ताहली जे तिने बौहत सारे फरीसियां कने सदूकियां जो बपतिस्मा लेणे खातर अप्पूँ ले औंदे देख्या, तां यूहन्ने तिन्हाजो गलाया, “जहरीले सर्पा साई बुरे लोको, हऊँ तुहांजो खबरदार कराँ भई हरेक सै जे पाप कराँ तिसजो परमेशरा इक दिन सजा देणी, कने ये नीं सोच्चा भई तुहां इसा सजा ते बची जाणा।

मरकुस 8:38

जे तुहें मेरे कने मेरिया शिक्षां ते इस दुष्ट कने पापी जुगा च शर्मिन्दा ये, तां माहणुये रा पुत्र यनि मांह बी तुहांते शर्मिन्दा हूणा, ताहली जे तिस पवित्र स्वर्गदूतां सौगी अपणे पिता रिया महिमा समेत औणा।”

लूका 11:16

किछ होरीं लोकें यीशुये जो परखणे खातर तिसते इक स्वर्गीय नशाण मंगया, भई इसा गल्ला जो साबित कर भई तिज्जो परमेशरे भेज्जिरा

लूका 11:50

संसारा रे शुरु तेई जितने बी भविष्यवक्तयां रा खून हुया, तिस खातर इस बगता रे लोकां जो जिम्मेवार बणाया जाणा,

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

लूका 9:41

यीशुये जवाब दित्या, “अविश्वासी कने अड़ीमूर लोको मैं तुहांरे खातर इतणा किछ कित्या पर तुहें विश्वास नीं करदे? हऊँ कदुआं तक तुहां सौगी रैंहगा, अपणे पुत्रा जो येत्थी ल्यावा।”

यूहन्ना 2:18

इस पर यहूदी अगुवेयां यीशुये ने बोल्या, “तू जे ये काम्म करी रां तां अहांजो कुण जेआ नशाण दस्सीरां?”

यूहन्ना 6:30

फेरी लोकें तिसने गलाया, “फेरी तू केढ़ा जेआ चमत्कार दसणा भई अहें तिन्हांजो देखीने तूह पर विश्वास करो?

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

1 कुरिन्थियों 1:22

यहूदी त चमत्कार चाँये, कने यूनानी ज्ञाना रिया खोज्जा चे,