लूका 11:22 - बिलासपुरी नौआं नियम

²² पर ताहली जे तिसते बी जादा ताकतवर कोई तिस पर हमला करीने तिस्सो जित्ति लेआं, तां तिसरे सै हथियार तिन्हां पर जे तिसरा भरोसा था, खोई लेआं, कने तिसरी दौलत लुट्टी ने बन्डी देआं।

लूका 11:22 ပူးပေါင်းရင်းမြစ်များ

लूका 11:21

“ताहली जे ताकतवर माहणु हथियार पैहनीने अपणे घरा री रखवाल़ी कराँ, तां तिसरी दौलत बची रैईं।

लूका 11:23

“सै जे कोई मेरा सहयोगी निआं, सै मेरा बरोधी आ कने सै जे मेरे सौगी कठेरदा निआं सै बखोरने रा काम्म कराँ।

इफिसियां 6:11

परमेशरा रे सारे हथियाराँ जो पैहनी लो, ताकि तुहें शैतान्ना रिया बुरिया चाला रे सामणे खड़े रैई सक्को।

इफिसियां 6:13

इस खातर सिपाईये साई तुहें परमेशरा रे सारे हत्थियाराँ जो कस्सी लौ तिसते जे बुरे वगता च तुहें दुष्टां ने लड़ने लायक हुई सक्को। सब किछ करने ते बाद तुहां पिच्छे नीं हटणा।

कुलुस्सियां 2:15

परमेशरे क्रूसा रे जरिये शासकां कने अधिकारियां जो हराया कने क्रूसा रे जरिये तिन्हां पर जय पाईने तिन्हांरा लोकां रे सामणे तमाशा बणाया।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

1 यूहन्ना 4:4

मेरे प्यारे बच्चो, तुहें परमेशरा रे लोक ये, कने तुहें झूट्ठे भविष्यवक्तयां पर जीत पाईरी; काँह्भई सै पवित्र आत्मा जे तुहां चा, सै संसारा च रैहणे औल़े शैतान्ना ते महान आ।