लूका 10:42 - बिलासपुरी नौआं नियम

⁴² पर इक गल्ल इ सै जे जरूरी, कने मरियमे तिस्सो चुणया सै जे सव्वीं ते अव्वल आ; सै तिसाते खोया नीं जाणा।”

लूका 10:42 ပူးပေါင်းရင်းမြစ်များ

मरकुस 8:36

जे लोक इस संसारा जो जित्ति लो, कने अपणा प्राण गवाई दो, तां तिस्सो क्या फैदा?

लूका 10:39

तिसारी इक बैहण थी तिसारा नौं जे मरियम था, सै प्रभुरे चरणां च बैठीने तिन्हारे उपदेशा जो सुणयां कराँ थी।

लूका 11:1

इक दिन यीशु इक्की जगह प्राथना करी रां था। जिस बगत सै प्राथना खत्म करी बैट्ठे, तां चेलयां चते इक्की तिन्हाले आई ने गलाया, “प्रभु जी, तियां जे यूहन्ने अपणे चेलयां जो प्राथना करना सखाया, तियां इ अहांजो बी तू प्राथना करना सखा।”

लूका 12:20

पर परमेशरे तिसजो गलाया, ‘अरे मूर्ख! तूं इसा इ राति मरी जाणा! फेरी ये सारा किछ किसरा हूणा, तिसजो जे तैं कट्ठा कित्तिरा?’

लूका 12:33

अपणी संपत्ति बेच्चीने गरीबां च बंडी दे; कने अपणे खातर येढ़े बटुये बणावा, सै जे पुराणे नीं हुन्दे, यनिके स्वर्गा च येढ़ा धन कट्ठा करा सै जे घटदा नींआ कने तिसरे नेड़े चोर नीं जान्दा, कने कीड़ा नीं बगाड़दा।

लूका 16:2

इस खातर तिसरे मालके सै सद्दया कने तिस्सो गलाया, ‘हऊँ ये क्या सुणी कराँ भई तू मेरे सारे पैसयां जो पाणिये साई बहाया राँ? येढ़ा तू अपणे भण्डारी हुणे रे नाते मेरे पैसे रा हिसाब दे, काँह्भई तिज्जो हुण माह भण्डारी नीं रखणा।’

लूका 16:25

पर अब्राहमे तिसजो गलाया, मेरे पुत्र, याद कर, भई तू अपणी पूरी जिन्दगिया च खरी चिज़ां पाई चुक्कीरा, कने तियां इ लाजरे बुरियां चिज़ां पाईयां: पर हुण सै येत्थी सुखी आ कने तू दुख सही कराँ।

लूका 18:22

यीशुये तिसने गलाया, “इक काम्म तैं हूणा तक नीं कित्या, तेरले जितणी बी धन दौलत इ तू तिसाजो बेच्चीने सारा पैसा गरीबां च बंडी दे, कने मेरा चेला बणी जा, तां तिज्जो स्वर्गा च धन मिलणा।”

लूका 8:18

इस खातर, सै जे मेरिया गल्ला जो ध्याना ने सुणां कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।”

यूहन्ना 11:1

लाजर नौआं रा इक माहणु बमार पैईग्या। सै मरियम कने तिसारी बैहण मार्था रे गाँव बैतनिय्याह रा बसिन्दा था।

यूहन्ना 11:19

इस खातर भाईये रिया मौती पर मार्था कने मरियमा जो शान्ति देणे खातर यहूदा प्रदेशा ते बौहत सारे लोक आईरे थे।

यूहन्ना 12:3

तां मरियमे तिन्न सौ मिली लीटर असली जटामांसी रा बड़ा मैंहगा इत्र लेईने यीशुये रे पैरा पर मल़या, कने अपणयां बाल़ां ने तिसरे पैर साफ कित्ते, कने इत्रा रिया खुशवुआ ते सारा घर मैहकीग्या।

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

1 कुरिन्थियों 13:3

जे हऊँ अपणी सारी दौलत गरीबां जो ख्वाई दूँ या अपणा शरीर फुकणे जो दई दूँ, कने प्यार नीं रखूं, तां मिन्जो किछ फायदा निआं।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।