लूका 10:41 - बिलासपुरी नौआं नियम

⁴¹ पर प्रभु यीशुये तिसाजो जबाब दित्या, “मार्था! मार्था! तू बौहत सारियां गल्लां खातर फिक्र कराँ इ! कने घबराईं।

लूका 10:41 ပူးပေါင်းရင်းမြစ်များ

मरकुस 4:19

सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

लूका 10:38

ताहली जे यीशु कने तिसरे चेले यरूशलेम खौ जाई कराँ थे, तां सै इक्की गाँवां च गये, तित्थी मार्था नौआं री इक्की जनाने तिन्हाजो अपणे घरें औणे रा नियून्दा दित्या।

लूका 10:40

पर मार्था खाणा त्यार करने रे कई कम्मां च बौहत व्यस्त थी। सै प्रभु ले आई कने बोल़णे लगी, “प्रभु क्या ये ठीक आ भई मेरी बैहण येत्थी तुहांले बैठीरी रौ, कने सारा काम्म हऊँ कल्ही करूँ? क्या तुहांजो इसा गल्ला री फिक्र नीं? तिसाजो बोल्ला भई आईने मेरी सहायता कर।”

लूका 12:22

फेरी तिने अपणे चेलयां ने बोल्या, “इस खातर हऊँ तुहांजो बोलां, भई अपणे प्राणा रे खातर ये फिक्र नीं करयां भई अहें क्या खांगे, कने शरीरा रे खातर भई क्या पैहन्गे।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

लूका 8:14

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, सै जे बचनां जो सुणी ने ग्रहण त कराँ ये, पर जियां जे अग्गे बचनां च बधणे लगां ये तियां इ सै जिन्दगिया रे फिक्राँ च, धन-दौलत कने सुख सुबिदा रिया लालसा च फस्सी जायें तिसते जे तिन्हां रिया आत्मा रा बिकास नीं हुन्दा येढ़यां लोकां री फसल कदीं नीं पकदी।

यूहन्ना 11:1

लाजर नौआं रा इक माहणु बमार पैईग्या। सै मरियम कने तिसारी बैहण मार्था रे गाँव बैतनिय्याह रा बसिन्दा था।

यूहन्ना 11:5

यीशु, मार्था, तिसारी भैण मरियम, लाजरा ने प्यार कराँ थे।

यूहन्ना 12:2

तित्थी यीशुये रा आदर करने खातर तिन्हें धाम बणाई; कने मार्था परोसया राँ थी। यीशुये सौगी रोटी खाणे औल़यां च लाजर बी था।

फिलिप्पियां 4:6

किसी बी गल्ला री चिन्ता मता करदे; पर हर इक गल्ला च धन्यवादा सौगी प्राथना कने विनतिया च अपणे निवेदन परमेशरा रे सामणे रखदे जावा।