लूका 10:40 - बिलासपुरी नौआं नियम

⁴⁰ पर मार्था खाणा त्यार करने रे कई कम्मां च बौहत व्यस्त थी। सै प्रभु ले आई कने बोल़णे लगी, “प्रभु क्या ये ठीक आ भई मेरी बैहण येत्थी तुहांले बैठीरी रौ, कने सारा काम्म हऊँ कल्ही करूँ? क्या तुहांजो इसा गल्ला री फिक्र नीं? तिसाजो बोल्ला भई आईने मेरी सहायता कर।”

लूका 10:40 ပူးပေါင်းရင်းမြစ်များ

मत्ती 14:15

ताहली जे रात हुई, तां तिसरे चेलयां तिसले आईने गलाया, “ये सुनसान जगह इ तित्थी जे कोई माहणु नीं रैहन्दे कने बौहत देर बी हुई चुक्कीरी; इस खातर लोकां जो भेज ताकि ये गाँवां च जाईने किछ अपणे खातर खाणे जो खरीदी लो।”

मत्ती 16:22

फेरी पतरस तिस्सो इक्की बक्खा लेईग्या कने गुस्सा हुईने बोलणे लगया, “प्रभु, परमेशर तू पर दया करो भई तूहने येढ़ा कदीं नीं ओ!”

मरकुस 3:21

ताहली जे यीशुये रे घरा औल़यां ये सुणया, तां सै तिस्सो पकड़ने रे खातर निकल़े, काँह्भई तिन्हांजो लगया भई यीशु पागल हुईगरा।

लूका 10:38

ताहली जे यीशु कने तिसरे चेले यरूशलेम खौ जाई कराँ थे, तां सै इक्की गाँवां च गये, तित्थी मार्था नौआं री इक्की जनाने तिन्हाजो अपणे घरें औणे रा नियून्दा दित्या।

लूका 10:41

पर प्रभु यीशुये तिसाजो जबाब दित्या, “मार्था! मार्था! तू बौहत सारियां गल्लां खातर फिक्र कराँ इ! कने घबराईं।

लूका 12:29

कने खाणे री फिक्र नीं करा भई क्या खांगे या क्या पींगे, कने न सन्देह करा।

लूका 9:55

पर यीशुये तिन्हारी तरफ मुड़ीनें तिन्हाजो थिड़क्या कने गलाया, “तुहें नीं जाणदे भई तुहें केढ़ी आत्मा रे।

यूहन्ना 11:1

लाजर नौआं रा इक माहणु बमार पैईग्या। सै मरियम कने तिसारी बैहण मार्था रे गाँव बैतनिय्याह रा बसिन्दा था।

यूहन्ना 11:5

यीशु, मार्था, तिसारी भैण मरियम, लाजरा ने प्यार कराँ थे।

यूहन्ना 12:2

तित्थी यीशुये रा आदर करने खातर तिन्हें धाम बणाई; कने मार्था परोसया राँ थी। यीशुये सौगी रोटी खाणे औल़यां च लाजर बी था।

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”