लूका 10:3 - बिलासपुरी नौआं नियम

³ जावा; कने याद रखयों, भई हऊँ तुहांजो भेज्जी त कराँ पर माहणु तुहांरा इयां नुक्शान करी सक्कां ये तियां जे भेड़िये भेडां रा नुक्शान कराँ ये।

लूका 10:3 ပူးပေါင်းရင်းမြစ်များ

मत्ती 10:16

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

मत्ती 10:22

माह पर विश्वास करने रिया बजह ने कईयां लोकां तुहांते बैर रखणा, पर सै जे आखिर तक माह पर विश्वास करदा रैहन्गा तिसजो बचाया जाणा।

मत्ती 7:15

“झूट्ठे भविष्यवक्तयां ते बचीने रौआ! सै तुहांले आमतौर पर भेड्डां रे रुपा च औआं यें, पर हकीकत च सै खूँखार भेड़िये सै जे लोकां पर हमला करां ये।

लूका 10:4

तुहें जान्दे बगत अपणे सौगी न पैसे, न झोली लेयां; येत्थी तक भई जुत्तेयां री दुज्जी जोड़ी बी न लेयों। कने रस्ते च रुकीने किसी जो नमस्ते बी नीं करयां।

यूहन्ना 10:12

मजदूरिया पर रखीरा नौकर ताहली जे भेड़िये जो औंदे देखगा तां तिस नट्ठी जाणा। तिस भेड्डां छडी देणियां काँह्भई सै तिन्हांरा गवाल़ा नींआ कने भेड्डां तिसरियां नींआ, इस खातर भेड़िया तिन्हां पर हमला करां कने सारियां भेड्डां जो बखेरी देआं।

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

प्रेरितां 20:29

हऊँ जाणाँ भई मेरे जाणे ते बाद लोक सै जे फाड़णे औल़े भेड़ियां साई तुहांरे बिच्च औणा कने परमेशरा रे लोकां जो नष्ट करने री कोशिश करनी।

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

प्रेरितां 9:2

कने तिसरे दमिश्क नगरा रे यहूदी सभा घराँ रे अगुवेयां जो ये चिट्ठी लिखणे जो विनती कित्ती, तिसते शाऊला जो तित्थी जे कोई मसीह पर विश्वास करने औल़े मिलो, फेरी चाये सै जनाना ओ, या चाये मर्द, तां सै तिन्हांजो बन्दी बणाई सक्को कने फेरी वापस यरूशलेम नगरा च ली आओ।