लूका 10:28 - बिलासपुरी नौआं नियम

²⁸ यीशुये तिसने गलाया, “तैं ठीक जवाब दित्या, येढ़ा इ कर तिसते जे तू अनन्त जीवन पाई सक्कां।”

लूका 10:28 ပူးပေါင်းရင်းမြစ်များ

मत्ती 19:17

यीशुये तिसने गलाया, “तू मिन्जो भलाईया रे बारे च काँह पुच्छां? काँह्भई अच्छा त परमेशर इ हाया; पर जे तू अनन्त जीवना च दाखल हूणा चाँह, तां तू हुक्मां जो मन्नया कर।”

मरकुस 12:34

तंजे यीशुये देख्या भई तिने समझा ने जवाब दित्या, तां तिसने गलाया, “परमेशरा जो राजे रे रुपा च ग्रहण करने ते तुहें बड़ा दूर नींये।” कने इसते बाद फेरी किसी जो यीशुये ते किछ पुछणे री हिम्मत नीं हुई।

लूका 7:43

फरीसी शमौन जवाब देआं, “मेरिया समझा च, तिस मता प्यार रखणा, तिसरा जे मता कर्जा माफ हुया।” इसा गल्ला पर यीशुये शमौना ते गलाया, “तैं ठीक सोच्चया।”

रोमियो 10:4

काँह्भई मसीह तिस मकसदा जो पूरा करी चुक्कीरा, जिस मकसदा खातर जे व्यवस्था दित्ति गई थी, ताकि सै जे कोई तिस पर विश्वास करो सै परमेशरा रिया नज़राँ च धर्मी हुई सक्को।

रोमियो 3:19

हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

रोमियो 7:10

सैई व्यवस्था रा हुक्म आ, सै जे जिन्दगी देणे खातर था, मेरे खातर आत्मिक मौत लईने आया।

गलातियां 3:12

पर व्यवस्था त विश्वासा पर नीं टिक्किरी बल्कि पवित्रशास्त्रा रे मुतावक, “सै जे व्यवस्था जो मनगा, सै तिसरे इ जरिये जिऊंदा रैहणा।”