लूका 10:18 - बिलासपुरी नौआं नियम

¹⁸ यीशुये तिन्हांने गलाया, “ठीक आ, मैं शैतान्ना जो स्वर्गा ते बिज्जल़ा साई पौंदे हुये देख्या रां था!

लूका 10:18 ပူးပေါင်းရင်းမြစ်များ

मत्ती 4:10

फेरी यीशुये तिसजो गलाया, “शैतान दूर हुई जा, काँह्भई पवित्रशास्त्रा च लिखिरा: ‘तू प्रभु अपणे परमेशरा री अराधना कर, कने सिर्फ तिसरी इ सेवा टैहल कर।’ ”

यूहन्ना 12:31

हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

यूहन्ना 16:11

न्याय रे बारे च इस खातर काँह्भई तिस लोकां जो इसा सच्चाईया रे बारे च दसणा भई परमेशरा तियां जे इस संसारा पर राज करने औल़े शैतान्ना जो सजा देणी, तियां इ परमेशरा लोकां जो तिन्हांरे पापां रे खातर सजा देणी।

इब्रानियों 2:14

काँह्भई तियां जे परमेशरा रे बच्चे माहणु ये, तियां इ यीशु बी तिन्हां साई माहणु बणया। परमेशरे ये इस खातर कित्या ताकि तिसरिया मौती रे जरिये शैतान्ना जो नाश करी सक्को, तिसले जे मौती रा अधिकार था।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

प्रकाशितवाक्य 20:2

कने तिने तिस अजगरा, यनि पुराणे सर्पा जो, सै जे इबलिश या शैतान आ; पकड़ीने इक हज़ार साल्लां तक बन्हीत्या।

प्रकाशितवाक्य 9:1

ताहली जे पँजवें स्वर्गदूते अपणी तुरही बजाई, तां मैं स्वर्गा ते धरतिया परा इक तारा टिरदा देख्या, कने तिस्सो अथाह कुण्डा री चाबियां दित्तियां गईयां।