लूका 10:17 - बिलासपुरी नौआं नियम

¹⁷ जिस बगत यीशुये रे बहत्तर चेले अपणी सेवा री यात्रा ते मौज मनांदे हुये वापस आईगे, तां यीशुये ने बोलणे लगे “प्रभु, जिस बगत अहें तुहांरे नौआं रा इस्तेमाल कराँ ये, तां बुरीआत्मायें बी अहांरा कैहणां मन्नां इयां।”

लूका 10:17 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 16:17

कने विश्वासियां जो चमत्कार करने री सामर्थ दित्ति जाणी भई तिन्हां मेरे नौआं ते बुरीआत्मा जो बाहर कडणा; तिन्हां सै भाषा बोलणी सै जे तिन्हें कदीं सिक्खी री नीं हूणी;

लूका 10:1

इन्हां गल्लां ते बाद प्रभु यीशु बहत्तर होर चेलयां जो चुणां कने तिस-तिस नगर कने जगहां पर जे तिने जाणे री योजना बणाई थी, ऊथी जाणे ते पैहले तिन्हां चेलयां जो दो-दो करीने अपणे अग्गे भेज्या।

लूका 10:20

फेरी बी इन्हां गल्लां ते खुश नीं हूणां भई बुरीआत्मां तुहांरे बशा ची आ; पर इस खातर खुश हूणा भई परमेशरे तुहांरे नौं स्वर्गा च लिखी लरे।”

लूका 10:9

तिस नगरा रे बमाराँ जो चंगा करा, कने तिन्हाजो बोल्ला भई, हुण परमेशरा रा राज तुहांरे नेड़े आई पुज्जीरा।

लूका 9:1

फेरी यीशुये अपणे बारा चेलयां जो सद्दीने कट्ठा कित्या कने तिन्हांजो सारी बुरीआत्मां कने बमारियां जो दूर करने री सामर्थ कने अधिकार दित्या,

रोमियो 16:20

शान्तिया रे परमेशरा बौहत जल़द शैतान्ना जो तुहांरे पैराँ हेठ कुचल़ी देणा। अहांरे प्रभु यीशु मसीह रा अनुग्रह तुहां सौगी रौ।

इफिसियां 5:24

तियां जे कलीसिया मसीह रे अधीन इ, तियां इ पत्नियां जो सारियां गल्लां च अपणे-अपणे पतियां रे प्रति समर्पित रैहणा चाहिन्दा।