लूका 1:47 - बिलासपुरी नौआं नियम

⁴⁷ हऊँ मेरा छुटकारा करने औल़े परमेशरा च आनन्दित हुई,

लूका 1:47 ပူးပေါင်းရင်းမြစ်များ

लूका 2:11

भई आज्ज राजा दाऊद रे नगर बैहतलम च तुहांरे खातर पापां ते छुटकारा देणे औल़े मुक्तीदाते रा जन्‍म हुया कने सैई मसीह प्रभु आ।

1 तिमुथियुस 1:1

हऊँ पौलुस, यीशु मसीह रा प्रेरित आ तिसजो जे अहांरे छुटकारा करने औल़े परमेशरे कने मसीह यीशु तिस पर जे अहें भरोसा कराँ ये अधिकार दित्तिरा,

1 तिमुथियुस 2:3

इस तरिके री प्राथना अहांरे छुटकारा करने औल़े परमेशरा जो खरी लगां इ कने खुश बी कराँ इ,

तीतुस 1:3

कने हुण ठीक बगता पर परमेशरे ये खुशखबरी अहां पर प्रगट कित्ती कने अहें ये सब्बीं जो प्रचार कराँ ये। अहांरा छुटकारा देणे औल़े परमेशरे मिन्जो ये जिम्मेवारी दित्ति कने तिसरे खातर ये काम्म करने जो तिने मिन्जो हुक्म दित्या।

तीतुस 2:10

कने चोरी चलाकी नीं करो; पर ये साबित करो भई सै हमेशा ईमानदार ए, ताकि लोक तिन्हांरे खरे बर्तावा पर ध्यान देओ कने जो किछ बी सै करां ए सै लोकां रे जरिए अहांरे छुटकारा करने औल़े परमेशरा रे बारे च सन्देश सुनाणे री वजह बणो।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।