लूका 1:17 - बिलासपुरी नौआं नियम

¹⁷ यूहन्ना परमेशरा रे सेवक एलिय्याह री आत्मा च कने सामर्थया च भरी ने तिसरे अग्गे-अग्गे चलना। ताकि परमेशरा रे औणे ते पैहले लोकां रे मनां जो परमेशरा जो ग्रहण करने खातर त्यार करी सक्को। तेरे पुत्रा, मौ-बुढ़यां रा मन अपणे बच्चयां री तरफ फेरना, कने तिस हुक्मा जो नीं मनणे औल़े लोकां जो हुक्म मनणे रा ज्ञान सखाणा।”

लूका 1:17 ပူးပေါင်းရင်းမြစ်များ

मत्ती 11:14

कने चाओ तां मन्ना, यूहन्ना इ एलिय्याह साई आ तिसरे औणे रे बारे च जे भविष्यवाणी हुई थी।

मत्ती 3:3

ये यूहन्ना सैई हाया तिसरे बारे च जे यशायाह भविष्यवक्ते चर्चा करदे हुये गलाया था : “सुनसान जगह च इक हाक पाणे औल़े री अवाज़ हुई कराँ इ, भई परमेशरा रे औणे खातर अपणे आप जो त्यार करा।”

मत्ती 3:4

यूहन्ना ऊँटा रे बाल़ां रे कपड़े पैहनां था, कने अपणे लक्का पर चमड़े री पेट्टी बन्ही रखां था। टिट्टे कने जंगली शैहत तिसरा खाणा था।

लूका 1:16

ताहली जे तिस बड्डे हुई जाणा, ताहली तिस अपणे प्रचारा ते मते सारयां इस्राएली लोकां जो तिन्हारे प्रभु परमेशरा पासे लैई औणा।

लूका 1:76

कने बालक, तू परमप्रधान परमेशरा री भविष्यवाणी करने औल़ा माहणु पुकारया जाणा, काँह्भई तू प्रभुरे अग्गे-अग्गे चलना कने तिसरे औणे खातर लोकां जो त्यार करना।

यूहन्ना 1:13

तिसरे अन्दर नांत खानदानी खून था, नां तिसरे जमणे च माता-पिता री कोई योजना थी, कने नांई मर्दा री कोई इच्छा थी, पर परमेशरा री इच्छा थी।

यूहन्ना 1:34

कने मैं देख्या, कने हऊँ तुहांजो सच्च बोलां भई येई परमेशरा रा पुत्र आ।”

यूहन्ना 3:28

तुहें सब मेरे गवाह ये भई मैं गलाया था, हऊँ मसीह निआं, पर मिन्जो तिसते पैहले भेजीरा।

प्रेरितां 10:33

तां मैं तेरे ला झट-पट लोक भेजे, कने तैं भला कित्या भई आई गया। हुण येत्थी अहें सब परमेशरा रे सामणे, भई जो किछ परमेशरे तेरने बोलीरा तिस्सो सुणीये।”

रोमियो 9:23

कने परमेशरे बी अपणी जादा महिमा परगट करने खातर अहांजो तिसते भरीत्या सै जे तिसरिया दया रिया वजह ने हुया, अहां चते तिन्हांजो परमेशरे अपणी महिमा पाणे खातर त्यार कित्तिरा।

कुलुस्सियां 1:12

तुहें अहांरे पिता परमेशर रा धन्यवाद करदे रौआ, तिने जे तुहांजो स्वर्गा च अपणयां पवित्र लोकां खातर त्यार कित्ती रिया बिरासता जो सांझा करने रे लायक बणाया।

2 तिमुथियुस 2:21

इस खातर जे कोई विश्वासी अप्पूँजो बुराईयां ते पवित्र करी लो, तां तिस खास मौके पर इस्तेमाल हुणे औल़े बर्तणा साई बणी जाणा कने तिसरा जीवन पवित्र हूणा, तां तिसरा मालक तिस्सो इस्तेमाल करी सकगा कने तिस हर तरह रे भले काम्म करने खातर त्यार हूणा।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

1 यूहन्ना 2:28

इस खातर प्यारे बच्चो, मसीह च बणीरे रौआ, भई ताहली जे सै वापस आओ, तां अहांरा आत्म-विश्वास बणीरा रौ, कने अहांजो तिसरे औणे रे बगत शर्मिन्दा नीं हुणे पौ।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।